© Photo: Ál-Farabi atyndaǵy qazaq ulttyq ýniversiteti
Ǵylym jáne joǵary bilim ministrligi aqyly bólimde oqityn stýdentterge de jataqhana berýge bolatynyn málimdedi, dep habarlaidy Sputnik Qazaqstan.
Joǵary jáne joǵary oqý ornynan keiingi bilim komiteti tóraǵasynyń orynbasary Aqerke Abylaihannyń aitýynsha, biyldan bastap zań talaptary kúshine enip otyr. Oǵan sáikes, stýdentterdi jataqhanada ornalastyrý jaǵynan eshqandai shekteý bolmaýy kerek.
"Stýdent grantta oqi ma, aqyly bólimde bilim ala ma, barlyǵy jataqhanadan oryn alýǵa quqyly", - dedi komitet basshysynyń orynbasary ortalyq kommýnikatsiialar qyzmetinde ótken brifingte.
Biraq jataqhana oryndaryn taratý kezinde aldymen áleýmettik jaǵynan osal sanatqa kiretin stýdentterge basymdyq beriledi. Odan keiin oqý ozattary men I kýrs stýdentteri oryn alady. Alaida árbir ýniversette jataqhana oryndary tapshy bolǵannan keiin barlyǵyna birdei jete bermeidi.
"Negizi, zań jaǵynan eshqandai shekteý joq", - dep atap ótti ol.
Aita keteri, biyldan bastap basqa qalalarda turatyn ata-anasynan aiyrylǵan stýdentterdiń jataqhanada turý shyǵyndary óteýge sheshim qabyldandy.
