Gaz tarifterin qymbattatý aqylǵa qonymdy, esepterge negizdelgen bolýy kerek. Bul pikirdi QR gaz salasynyń ardagerler keńesiniń tóraǵasy Pavel Klimov aitty, dep habarlaidy QazAqparat.
Buǵan deiin QR Energetika ministrligi gazdyń kóterme saýda baǵasy 15%-ǵa qymbattaýy múmkin ekenin habarlaǵan edi.
2019 jyldyń 1 qańtarynan bastap taýarlyq gazdyń shekti kóterme saýda baǵasy óńirge bailanysty 3,8-den 17,5%-ǵa deiin tómendetildi jáne osy ýaqytqa deiin kóterilgen joq.
«Qazirgi ýaqytta sonaý 60-shy jyldary salynǵan magistraldik gaz qubyrlarynyń negizgi bóligi 19 000 shaqyrymdy quraidy. Olar óziniń merzimin ótedi. Qazir zertteýmen ainalysyp, aqaýlaryn izdeý kerek. Kompressorlyq stantsiialar da jóndeýdi jáne qaita qurýdy, kóp jaǵdaida tolyq aýystyrýdy qajet etedi. Munyń barlyǵyna úlken qarajat qajet, óitkeni qazir gazdyń sýbsidiialanýyna bailanysty qaita qurýmen ainalysý múmkin emes», - deidi P. Klimov.
Sala ardageriniń aitýynsha, tariftiń ósýin bir nusqa retinde qarastyrýǵa bolady.
«Ol barlyq esepteýlermen aqylǵa qonymdy, negizdelgen bolýy kerek jáne ony kóterý qajet. Tek osylai ǵana biz gaz qubyrlaryn jóndei alamyz. Orynbor oblysy men Ózbekstandaǵy apat búginde gaz qubyrlarynyń jaǵdaiy nashar ekenin jáne jedel jóndeýdi qajet etetinin kórsetti», - deidi Pavel Klimov.
