گاز تاريفتەرٸن قىمباتتاتۋ اقىلعا قونىمدى, ەسەپتەرگە نەگٸزدەلگەن بولۋى كەرەك. بۇل پٸكٸردٸ قر گاز سالاسىنىڭ ارداگەرلەر كەڭەسٸنٸڭ تٶراعاسى پاۆەل كليموۆ ايتتى, دەپ حابارلايدى قازاقپارات.
بۇعان دەيٸن قر ەنەرگەتيكا مينيسترلٸگٸ گازدىڭ كٶتەرمە ساۋدا باعاسى 15%-عا قىمباتتاۋى مٷمكٸن ەكەنٸن حابارلاعان ەدٸ.
2019 جىلدىڭ 1 قاڭتارىنان باستاپ تاۋارلىق گازدىڭ شەكتٸ كٶتەرمە ساۋدا باعاسى ٶڭٸرگە بايلانىستى 3,8-دەن 17,5%-عا دەيٸن تٶمەندەتٸلدٸ جەنە وسى ۋاقىتقا دەيٸن كٶتەرٸلگەن جوق.
«قازٸرگٸ ۋاقىتتا سوناۋ 60-شى جىلدارى سالىنعان ماگيسترالدٸك گاز قۇبىرلارىنىڭ نەگٸزگٸ بٶلٸگٸ 19 000 شاقىرىمدى قۇرايدى. ولار ٶزٸنٸڭ مەرزٸمٸن ٶتەدٸ. قازٸر زەرتتەۋمەن اينالىسىپ, اقاۋلارىن ٸزدەۋ كەرەك. كومپرەسسورلىق ستانتسييالار دا جٶندەۋدٸ جەنە قايتا قۇرۋدى, كٶپ جاعدايدا تولىق اۋىستىرۋدى قاجەت ەتەدٸ. مۇنىڭ بارلىعىنا ٷلكەن قاراجات قاجەت, ٶيتكەنٸ قازٸر گازدىڭ سۋبسيدييالانۋىنا بايلانىستى قايتا قۇرۋمەن اينالىسۋ مٷمكٸن ەمەس», - دەيدٸ پ. كليموۆ.
سالا ارداگەرٸنٸڭ ايتۋىنشا, تاريفتٸڭ ٶسۋٸن بٸر نۇسقا رەتٸندە قاراستىرۋعا بولادى.
«ول بارلىق ەسەپتەۋلەرمەن اقىلعا قونىمدى, نەگٸزدەلگەن بولۋى كەرەك جەنە ونى كٶتەرۋ قاجەت. تەك وسىلاي عانا بٸز گاز قۇبىرلارىن جٶندەي الامىز. ورىنبور وبلىسى مەن ٶزبەكستانداعى اپات بٷگٸندە گاز قۇبىرلارىنىڭ جاعدايى ناشار ەكەنٸن جەنە جەدەل جٶندەۋدٸ قاجەت ەتەتٸنٸن كٶرسەتتٸ», - دەيدٸ پاۆەل كليموۆ.
