Foto: ashyq derekkóz
Jetisý oblysynda turǵyndarǵa 2000-ǵa jýyq dabyl qondyrǵysy tegin taratyldy, dep habarlaidy Ult.kz 24KZ arnasyna silteme jasap.
Jetisý oblysynyń Tótenshe jaǵdailar qyzmeti jylytý maýsymy kezinde órt qaýipsizdigin kúsheitý maqsatynda áleýmettik osal toptardaǵy otbasylarǵa birinshi bolyp tegin dabyl qondyrǵylaryn ornatyp berdi. «Aqyldy» qurylǵylar tútin shyqqan sátte birden belgi beredi.
Mamandardyń málimetinshe, jylytý maýsymy bastalǵaly óńirde 35 órt oqiǵasy tirkelgen. Bul — byltyrǵy jyldyń osy kezeńimen salystyrǵanda 10 paiyzǵa az.
Qazir aimaqta «Órt qaýipsizdigi» ailyǵynyń ekinshi kezeńi ótip jatyr. Tótenshelikter jeke úilerdi aralap, túsindirý jumystaryn júrgizýde, peshterdiń jaǵdaiyn tekserip, aqaý anyqtalsa eskertý beredi.
Qala turǵyny Batyrbek Qoidisanov ornatylǵan qurylǵynyń balalar bar úi úshin asa tiimdi ekenin aitty:
«Qaýipti gaz shyqsa, birden dabyl qaǵady. Óte paidaly nárse eken», — deidi ol.
TJB ókilderi qatty otyn paidalanatyn úilerde reidter jalǵasatynyn habarlady.
