Aqyn, QR Memlekettik syilyǵynyń iegeri Aqushtap Baqtygereeva el astanasynyń "Nur-Sultan" bolyp ózgerýine qatysty pikir bildirdi.
"Uly dalanyń erkindik alǵan ǵasyrynyń tuńǵyshy bolyp tizginin ustaý Elbasynyń mańdaiyna jazylǵan taǵdyr ekeni daýsyz. Syn saǵattardan súrinbei ótken shydamyńyz ben parasatyńyzǵa kýámiz, rizamyz. «Myń ólip, myń tirilgen» ultymyzdyń san túrli minezin de kóterip, búkil álem aldynda abyroiyn asqaqtatyp kórsetý úshin jasaǵan isteriniń ushan-teńiz ekeni tarihqa jazylyp qaldy. Bul kúnde búkil álem kóshpendiler mekeni degen qazaq dalasyn Nursultan Ábishulynyń esiminen tanyp bilgeni jasyryn emes. Alash jurtynyń rýhyn qaita kótergen qairatkerligine búkil halyq súisindi.
Halyqtyń qurmetine bólengen qazaqtyń azamaty, nar tulǵaly ult kóshbasshysynyń esiminiń Astana qalasyna berilýin durys jasalǵan sheshim dep bilemin. Jáne óz tarapymnan oń kózqarasta ekenimdi basa aitqym keledi" deidi aqyn.
Aita ketsek, búgin Memleket basshysy Qasym-Jomart Toqaev Qazaqstan Respýblikasynyń astanasy – Astana qalasyn Qazaqstan Respýblikasynyń astanasy – Nur-Sultan qalasy dep qaita ataý týraly Jarlyqqa qol qoidy.
.jpeg)