Sputnik / Elena Berejnaia
Aktrisa Samal Esliamova týǵan qalasy Petropavlda Konstitýtsiiaǵa ózgerister men tolyqtyrýlar engizý boiynsha referendýmda daýys berdi, dep habarlaidy Sputnik Qazaqstan.
Qazir Samal Esliamova pandemiia kezinde ashylǵan Nur-Sultandaǵy jas kórermenderge arnalǵan mýzykalyq teatrda jumys isteidi. Aktrisa týǵan qalasyna kelip, ózi tirkelgen sailaý ýchaskesinde daýys berdi.
"Bizdiń árqaisymyzdyń óz ustanymymyz, pikirimiz bar. Elimizdegi adamdardyń turmys-tirshiligi jyl saiyn jaqsara berýi úshin belsendi bolyp, sailaý, referendým syndy mańyzdy is-sharalarǵa qatysý qajet. Referendýmnan keiin elde oń ózgerister bolady dep úmittenemiz", - dedi Samal Esliamova.
Ol sailaý jáne basqa da mańyzdy is-sharalarǵa únemi qatysatynyn atap ótti.
"Qaida júrsem de, sailaýǵa turaqty qatysamyn. Stýdent kezimde Máskeýdegi elshilikte daýys berýge týra keldi", - dep túiindedi aktrisa.
Eske salaiyq, Samal Esliamova Petropavlda dúniege kelgen. 2011 jyly Resei teatr óneri akademiiasyn "Teatr jáne kino ártisi" mamandyǵy boiynsha úzdik bitirdi.
2018 jyly rejisser Sergei Dvortsevoidyń "Aika" filmindegi róli úshin 71-shi Kann kinofestivalinde TMD elderi arasynda alǵash ret bas júldeni jeńip aldy.
2018 jyly oǵan Qazaqstannyń eńbek sińirgen qairatkeri ataǵy berildi.
2019 jyly Gonkongta "Aziianyń eń úzdik aktrisasy" nominatsiiasyn aldy.
2020 jyldyń sońynda ol "Úzdik áiel róli" nominatsiiasynda Resei kinematografiialyq óner akademiiasynyń "Nika" syilyǵynyń iegeri atandy.
