Aktrisa ári model Ásemgúl Ibraeva esirtki alyp ótpekshi bolǵany úshin sottaldy, - dep habarlaidy Tengrinews.kz tilshisi.
Sottyń úkimine qaraǵanda, bul oqiǵa 2018 jyldyń 3 naýryzynda Astana Halyqaralyq áýejaiynda bolǵan.
Astana - Almaty reisi kezinde áýejai qyzmetkerleri jol sómkesin baiqaǵan. Sómkeni tekserý barysynda shynydan jasalǵan tutqa men 4,2 gramm gashish tabylǵan.
Tergeý málimetinshe, sómke men ondaǵy tyiym salynǵan zattar Ásemgúl Ibraevaǵa tiesili bolyp shyqqan. Aktrisa kinásin tolyq moiyndady.
Sottalýshynyń aitýynsha, ol ushaq bortyna kelgen kezde ǵana sómkesinde jeke zattar men esirtki bolǵanyn esine túsirgen. Zattardyń barlyǵyn politsiia qyzmetkerleri tárkiledi.
Osylaisha sot Ásemgúl Ibraevany QR Qylmystyq kodeksiniń 296-babynyń 2-bóligi boiynsha ("Esirtki, psihotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý") aiypty dep tanylyp, 100 saǵatqa qoǵamdyq jumystarǵa tartyldy. Sondai-aq, sot saraptamalarǵa ketken shyǵyndar úshin 338 863 teńge kóleminde aqsha óndirip alý týraly sheshim shyǵardy.
