QR Mádeniet jáne sport ministri Aqtoty Raiymqulova Túrkistan qalasyna sapary aiasynda arheologiialyq qazba jumystary júrip jatqan Kúltóbe qalashyǵynda bolyp, «Áziret Sultan» qoryq-mýzeiiniń Sapar ortalyǵynyń jáne Qoja Ahmet Iasaýi mýzeiiniń qurylys barysymen tanysty, dep habarlaidy "Ult aqparat".
A.Raiymqulova Túrkistanda tuńǵysh ret boi kóterip jatqan «Áziret Sultan» memlekettik tarihi-mádeni qoryq-mýzeiiniń Sapar ortalyǵynyń ereksheligi men mańyzyn atap ótti. Sondai-aq ǵimaratty mýzei jabdyqtarymen qamtamasyz etý jáne týristerge yńǵaily orta qalyptastyrý men ekspozitsiialyq zaldardy jabdyqtaý boiynsha ministrlik tarapynan tiisti jumystar atqarylatynyn aitty.
Ortaǵasyrlyq Kúltóbe qalashyǵyndaǵy 4 gektarǵa jýyq aýmaqta júrgizilip jatqan arheologiialyq qazba jumystarymen tanysqan vedomstvo basshysy, zerttelgen aýmaqtarǵa der kezinde konservatsiia jáne restavratsiia jumystary júrgizilýin tapsyrdy. Sondai-aq, Kúltóbe qalashyǵynyń tsitadelindegi jabyndy aýystyrý jóninde arnaiy tapsyrmalar júktedi.
«Kúltóbe» qalashyǵyndaǵy ǵylymi-zertteý jáne restavratsiia jumystary eskertkishtiń barlyq tarihi kezeńderin anyqtap, nátijesinde qalashyqty ashyq aspan astyndaǵy mýzeige ainaldyrýǵa baǵyttalǵan. Qazirgi Túrkistan qalasynyń túp tarihyn zertteý – tarih ǵylymynyń ózekti máseleleriniń biri. Qalanyń osy kezdegi tarihyn zertteý arqyly tól memleketimizdiń tynys-tirshiliginiń qyr-syrlaryn tanýǵa bolady. Munda el taǵdyryn sheshken máslihattar ótken, han sailaǵan quryltailar bolǵan», - delingen ministrlik taratqan aqparatta.
«Kúltóbe» qalashyǵy «Áziret Sultan» memlekettik tarihi-mádeni qoryq-mýzeii» RMQK eskertkishter tizimindegi Respýblikalyq mańyzy bar eskertkish jáne Qazaqstandaǵy kóne qala orny. Qalashyq Qoja Ahmet Iasaýi kesenesinen ońtústikke qarai 350 metr jerde ornalasqan.
«Sondai-aq Aqtoty Raiymqulova Qoja Ahmet Iasaýi kesenesine ziiarat etip, babalar rýhyna taǵzym etti. Budan bólek, Q. Iasaýi kesenesi jáne Rábiia Sultan Begim ana kesenesi men segiz qyrly saǵana, tsitadeldiń ortaǵasyrlyq kóshesinde júrgiziletin qaita jańartý jáne mýzeilendirý jumystary pysyqtaldy. Sonymen qatar, 7 myń orynǵa shaqtalǵan stadion jáne olimpiadalyq rezervtegi sport mektebiniń, drama teatr men kitaphananyń, »Uly dala eli« ortalyǵynyń qurylys jumystary jáne ol nysandardy bilikti kadrlarmen tolyqtyrý máseleleri naqtylandy», - dedi baspasóz qyzmetinen.
