Túrkistanda súiegi jatqan tulǵalar qazaq halqynyń ǵana emes, kúlli túrki álemi tarihynyń qalyptasýynde sheshýi ról atqarǵan. Mádeniet jáne sport ministri Aqtoty Raiymqulova «Túrkistan – túrki áleminiń rýhani astanasy atty» halyqaralyq beinekonferentsiiada osyndai pikir bildirdi, dep habarlaidy "Ult aqparat".
«Búgin biz túrki halyqtarynyń kieli orny tabylatyn Túkistannyń saiasi, rýhani jáne mádeni qaita jańǵyrýynyń tarihi sátine kýá bolyp otyrmyz. Qala Uly Jibek jolynyń qiylysynda tur. Batys pen Shyǵysty, Shyǵys pen Batysty bailanystyryp, Qytaidan Ortalyq Aziia, Taiaý Shyǵys arqyly Ortalyq Eýropa elderine kerýender ótken bolatyn. XV ǵasyrdan bastap Túrkistan musylman áleminiń qajylyq etetin orny ǵana emes, mańyzdy tarihi sheshimder qabyldanatyn qazaq handarynyń iri memlekettik rezidentsiiasy bolǵan», - jei kelip ministr kóne shahardy máńgilik mekenine ainaldyrǵan uly tulǵalarǵa toqtaldy.
«Qalanyń tarihi bóligi kieli mánge ie ekeni barshaǵa málim. Bul jerde ǵylymi derekterge sáikes 21 hannyń, 8 sultannyń, 23 bidiń, 59 batyrdyń súiekteri jerlengen. Jánibek, Jáńgir, Esim, Táýke, Abylai, Ábilhaiyr handardyń, sondai-aq, qazaq tarihyndaǵy ataqty Qaz daýysty Qazybek bi, Shoń bi, Toraiǵyr bi, Bógenbei batyr siiaqty basqa da tulǵalardyń beiitteri ornalasqan. Bul tulǵalar kóptegen jaǵdailarda tek qazaq halqynyń ǵana emes, jalpy túrki álem tarihynyń qalyptasýynda sheshýshi ról atqarǵan», - dedi Aqtoty Raiymqulova.
