Elimizde basym týristik aýmaq uǵymy engizilendi. Bul týraly Senattyń jalpy otyrysynda týristik qyzmet máseleleri boiynsha zań jobasyn birinshi oqylymda talqylaý kezinde QR Mádeniet jáne sport ministri Aqtoty Raiymqulova málim etti, dep habarlaidy QazAqparat.
Raiymqulova zań jobasynyń negizgi jańalyqtaryna toqtal kele, Basym týristik aýmaq uǵymyn engizý eskerilgenin aitty.
«Basym týristik aýmaq - týristik kartanyń respýblikalyq obektiler tizimine engizilgen, týristik damýdyń erekshe áleýeti bar aýmaq. Basym týristik aýmaq resýrstardy týrizmdi damytýdyń perspektivaly núktelerinde shoǵyrlandyrý maqsatynda qurylady.
Sondai-aq, bul aýmaqta investorlar úshin erekshe jeńildikter jáne qazaqstandyqtardyń elde demalýǵa baǵyttalǵan ilgeriletý sharalary qarastyrylǵan», - dedi ministr.
Sonymen qatar ol sheteldik týristerge qatysty týristik alym júiesin engizý qarastyrylǵanyn atap ótti.
«Álemdik tájiribeni eskere otyryp, ishki jáne syrtqy týristik naryqtarda aimaqtyq týristik áleýetti ilgeriletý úshin jergilikti biýdjettiń qosymsha kózderin tabý maqsatynda sheteldik týristerge týristik alym engizý ári osy alym boiynsha operatorlardy anyqtaý josparlanyp otyr. Týristik alym mólsherlemesiniń ózin máslihat, al tóleý tártibin Úkimet bekitedi», - dedi Raiymqulova.
