Aqtoty Raiymqulova QR mádeniet jáne sport vitse-ministri bolyp taǵaiyndaldy, - dep habarlaidy Ult.kz tilshisi vedomstvonyń baspasóz qyzmetine silteme jasap.
"Qazaqstan Respýblikasy Úkimetiniń Qaýlysymen Aqtoty Raiymqulova QR Mádeniet jáne sport ministrliginiń vitse-ministri bolyp taǵaiyndaldy", - delingen habarlamada.
Aqtoty Rahmetollaqyzy Raiymqulova Qurmanǵazy atyndaǵy Almaty memlekettik konservatoriiasynyń kompozitsiia jáne fortepiano mamandyqtary boiynsha túlegi. Kóptegen mýzykalyq týyndylardyń avtory, olardyń ishinde "El baqyty", "Apple of Peace", "Kókjal qantatysy", "Tolǵaý", "Dala syry" jáne "Jámilia", simfoniialyq poemalarynyń, "Aspan kóshi" eki aktili baleti, "Alataý" pesasy, "Sonǵy sezim", "Tuzdy shól", "Abai", "Eńlik-Kebek", "Abylaihan", "Adam balasy Qaiyn", "Estaidyń Qorlany", "Gamlet", "Qorqyttyn kóri", 'Syǵan serenadasy" sekildi spektaklderge mýzykalyq týyndylardyń, filmder men serialdarǵa saýndtrekterdiń avtory.
Túrli jyldary Qurmanǵazy atyndaǵy Almaty memlekettik konservatoriiasynyń kontsertmeiteri jáne oqytýshysy, Qazaq memlekettik qyzdar pedagogigalyq institýtynyń oqytýshysy bolyp qyzmet etti. QR Mádeniet ministrliginiń Mádeniet isteri komitetiniń tóraiymy boldy. 2014 jyldan bastap Qazaqstan Respýblikasy Mádeniet jáne sport ministrliginiń Mádeniet jáne óner isteri departamentiniń direktory qyzmetin atqardy.
