Aqtóbe oblystyq ishki ister departamenti qalanyń ortalyq bazary mańynan bir top adamnyń ustalýyna orai túsinik berdi, - dep habarlaidy Ult.kz tilshisi QazAqparat agenttigine silteme jasap.
«102» pýltine Aqtóbe qalasynyń ortalyq bazary janynda jappai tóbeles oryn alýy múmkin degen aqparat tústi. Shaqyrtý túsisimen taiaý mańdaǵy politsiia kezekshiligi birden oqiǵa ornyna jiberilip, jappai tóbelestiń aldy alyndy», dep málim etti departament baspasóz qyzmetinen.
Vedomstvo aqparatyna qaraǵanda, qabyldanǵan jedel sharalardyń arqasynda politsiia qyzmetkerleri 15 kúdikti adamdy ustady. Olardy qolǵa túsirý barysynda arnaiy quraldar men qarý qoldanylmaǵan.
«Kúdiktilerdi tintý barysynda olardan sýyq qarý jáne myltyq tabylǵan joq. Qazir barlyq tergeý amaldary júrgizilýde. Qalada atys boldy degen aqparat shyndyqqa janaspaidy. Qasaqana jalǵan aqparat tartqany úshin jaýapkershilik kózdelgendigin esterińizge salamyz», - dedi Aqtóbe oblystyq IID-nen.
Aita keterligi, ustalǵan azamattardyń ústinen Ákimshilik quqyq buzýshylyq týraly kodekstiń 449 baby boiynsha is qozǵalǵan. Atalǵan bapqa sáikes, qoǵamdyq oryndarda zattardy ózgeshe tásilmen satyp alý, satý, aiyrbastaý nemese iemdený maqsatynda kásipkerlik sýbektisi bolyp tabylmaityn adam jasaǵan, sondai-aq bal ashý, qaiyrshylyq, seksýaldyq sipatta qyzmetter kórsetý ne ózge de qyzmetter kórsetýdi kúshtep tańý maqsatynda tiisý, iaǵni mazalap ótinish bildirý jeke tulǵalarǵa bes ailyq eseptik kórsetkish mólsherinde aiyppul salýǵa ákep soǵady.
Sonymen qatar osy baptyń birinshi bóliginde kózdelgen, ákimshilik jaza qoldanylǵannan keiin bir jyl ishinde qaitalap jasalǵan áreketter on ailyq eseptik kórsetkish mólsherinde aiyppul salýǵa ne bes táýlikke deiingi merzimge ákimshilik qamaqqa alýǵa ákep soǵady.
