Aqtóbelik ónerpazdar óz jerine «Ninety One» toby aiaǵynyń tigenine qarsy. Olar syrǵa taǵyp, boianǵan jigitterden jirenip, bizdiń jerdi bylǵamasyn dep otyr. Bul týraly KTK telearnasynda aityldy.
Dastan Súleimenov, aqyn:
— Bizdiń qarsy bolyp turǵan sebebimiz: shashyn boiap, qulaǵyna syrǵa taqqany. Aqtóbe oblysynyń barlyq óner adamdary atynan biz ózimiz qarsy shyǵyp turmyz.
«Ninety One» tobynyń stadionda ótetin kontsertin boldyrmaý týraly jergilikti bilikke aryz da túsip qoiypty. Qol qoiǵandardyń kóbi — toi-biznestiń kórkin qyzdyryp júrgen ánshi-asabalar.
Al oǵan jaýap berýi tiis mádeniet basqarmasynyń basshysy Qanat Aitbaev Astanada júr eken. Ol oralǵansha 91 tobynyń kontserti tarqap ketetin syńaily. Buǵan deiin osy topqa qatysty Shymkent pen Qyzylorda jastary qarsy shyǵyp, aimaqtaryna jolatpai qoiǵan.
Áitse de top prodiýseri Erbol Bedelhan „alǵan betimnen qaitpaimyn, jigitterimdi Qazaqstannyń barlyq óńirin sharlatyp shyǵamyn„ dep otyr.
