اقتٶبەلٸك ٶنەرپازدار ٶز جەرٸنە «Ninety One» توبى اياعىنىڭ تيگەنٸنە قارسى. ولار سىرعا تاعىپ, بويانعان جٸگٸتتەردەن جيرەنٸپ, بٸزدٸڭ جەردٸ بىلعاماسىن دەپ وتىر. بۇل تۋرالى كتك تەلەارناسىندا ايتىلدى.
داستان سٷلەيمەنوۆ, اقىن:
— بٸزدٸڭ قارسى بولىپ تۇرعان سەبەبٸمٸز: شاشىن بوياپ, قۇلاعىنا سىرعا تاققانى. اقتٶبە وبلىسىنىڭ بارلىق ٶنەر ادامدارى اتىنان بٸز ٶزٸمٸز قارسى شىعىپ تۇرمىز.
«Ninety One» توبىنىڭ ستاديوندا ٶتەتٸن كونتسەرتٸن بولدىرماۋ تۋرالى جەرگٸلٸكتٸ بيلٸككە ارىز دا تٷسٸپ قويىپتى. قول قويعانداردىڭ كٶبٸ — توي-بيزنەستٸڭ كٶركٸن قىزدىرىپ جٷرگەن ەنشٸ-اسابالار.
ال وعان جاۋاپ بەرۋٸ تيٸس مەدەنيەت باسقارماسىنىڭ باسشىسى قانات ايتباەۆ استانادا جٷر ەكەن. ول ورالعانشا 91 توبىنىڭ كونتسەرتٸ تارقاپ كەتەتٸن سىڭايلى. بۇعان دەيٸن وسى توپقا قاتىستى شىمكەنت پەن قىزىلوردا جاستارى قارسى شىعىپ, ايماقتارىنا جولاتپاي قويعان.
ەيتسە دە توپ پروديۋسەرٸ ەربول بەدەلحان „العان بەتٸمنەن قايتپايمىن, جٸگٸتتەرٸمدٸ قازاقستاننىڭ بارلىق ٶڭٸرٸن شارلاتىپ شىعامىن„ دەپ وتىر.
