Foto: Polisia.kz
Aqtóbelik politseiler sábiin shaihanada qaldyryp ketken áieldi izdep tapty, dep habarlaidy "Ult aqparat" Polisia.kz Telegram-arnasyna silteme jasap.
IIM baspasóz qyzmetiniń málimetinshe, 29 qyrkúiekte jedel basqarý ortalyǵynyń "102" pýltine ortalyq bazar mańyndaǵy shaihanadan jańa týǵan bala tabylǵany týraly habarlama kelip túsken.
"Iývenaldy politsiia qyzmetkerleri balany sábiler úiine ornalastyrdy.
Sondai-aq politseiler 31 jastaǵy jaldamaly páterde turatyn kelinshekti izdep taýyp, bólimshege jetkizdi. Áieldiń aitýynsha, tanystaryn kezdestirip, artynsha olarmen alkogoldi ishimdik ishken.
Azamatshaǵa QR ÁQBtK-niń 127-baby 1-bóligi boiynsha ákimshilik hattama toltyrylyp, profilaktikalyq esepke qoiyldy" - delingen habarlamada.
