Aqtóbede bes qabatty turǵyn úidiń balkony janyp, sol kúni demalysta bolǵan órt sóndirýshi Muńalbek Qulymbai ony kezdeisoq kórip qalǵan. Ol alǵash bop kómek kórsetip, qariiany arqalap dalaǵa shyǵardy, dep habarlaidy QazAqparat.
Aqtóbe qalasyndaǵy Prohorov kóshesinde ornalasqan bes qabatty turǵyn úidiń páteri órtengen kezde aldymen №1 mamandandyrylǵan órt sóndirý bóliminiń qyzmetkeri Muńalbek Iliiasov kómekke bardy. Ol demalysta bolyp, otbasymen dalaǵa shyqqanda tútindi birden kózi shalǵan. Oilanbastan kópqabatty úige kirip, barlyq esikti qaǵyp, dalaǵa shyǵýyn suraǵan. Al ot shyǵyp, qyzyl jalynǵa oranǵan páter esigi ashyq turǵanymen eshkim shaqyrmady, kómek suramady. Páterden 8 jastaǵy bala qashyp shyǵyp, zeinerker qalyp qoiǵan.
«Osyndai sátte qutqarýshynyń janyńda bolǵan qandai baqyt. Janyp jatqan páterdiń tútini meniń kireberis bólmemdi tez sharpyp ketti. As bólmede qyzym bir nársege bógelip qaldy, al men kózdi ashytqysh tútinnen qalai saqtaný kerek ekenin bilmedim. Meniń kózim kórmeitin, onyń ústine aiaǵym aýyrady. Sol sátte esikten myna jigit, Muńalbek kirdi. Ol oilanbastan, aýyr salmaǵyma qaramastan meni arqasyna salyp, baspaldaqpen tómen qarai túsip, aýlaǵa alyp shyqty. Meni oryndyqqa otyrǵyzyp, qaita kireberiske qarai júgirip ketti. Ol naǵyz batyr, altyn júrek», - dedi qala turǵyny 66 jastaǵy qariia Altyn Iliiasova.
Aita keteiik, órt kezinde barlyǵy 30 adam evakýatsiialandy. Olardyń beseýi bala.
«Muńalbek Qulymbai turǵyndardy qaýipsiz jerge kóshirip úlgerýdi oilady. Bir ózi bar kúshin salyp, úige qaita kirip, bárine eskertý bergennen keiin oǵan kómekke ózge órt sóndirýshiler keldi. Eki kólik pen 12 adam lezde órtti sóndirdi. Sonymen qatar úi gazdan, elektr togynan ajyratyldy», - dep habarlady oblystyq TJD baspasóz qyzmeti.
