Aqtóbede memlekettik qyzmetkerler KA-168/1 túzetý mekemesine bardy, dep habarlaidy "Ult aqparat".
«Aqtóbe - adaldyq alańy» jobalyq keńsesi jáne Qylmystyq-atqarý júiesi komitetiniń oblystyq departamenti memlekettik qyzmetkerlerdi túrmege apardy.
Shara kezinde 30-ǵa jýyq memlekettik qyzmetker qamtyldy. «Bostandyǵyńdy baǵala!» atty shara KA-168/1 mekemesinde ótti.
«Qazirgi tańda 4 azamat sybailas jemqorlyq faktisimen qamaýǵa alynyp, sotty kútip otyr. QR Memlekettik qyzmet isteri jáne sybailas jemqorlyqqa qarsy is-qimyl agenttiginiń Aqtóbe oblysy boiynsha departamenti basshysy Rasýl Medetovtyń aitýynsha, shara memlekettik qyzmetshilerdiń sybailas jemqorlyqqa qarsy immýnitetin qalyptastyryp, jazasyn óteýshilerdiń ómirimen tanystyrýǵa, ony kórýge baǵyttaldy.
Aqtóbe oblystyq quqyqtyq statistika jáne arnaiy esepke alý jónindegi komiteti basqarmasynyń deregine súiensek, 2018 jyly sybailas jemqorlyq deregi boiynsha 66 adam jaýapkershilikke tartyldy.
«Osyndai sharalardyń nátijesinde Aqtóbe oblysy sybailas jemqorlyq deńgeii eń tómen óńirlerdiń úshtigine kirdi dep esepteimiz», - dedi R. Medetov.
