- Lańkestik jasady dep aiyptalǵan Arsen Tańatarovtyń anasy «Diapazonǵa» bergen suhbatynda radikaldardyń onyń ulynyń basyn qalai ainaldyrǵanyn ashyp aityp berdi.
Riza Tańatarovanyń aitýynsha, onyń uly ákesiz ósken.
«Biz ómir boiy páter jaldap turdyq. Týrgenev, Shanhai, Ábilqaiyr han kóshelerinde, turmaǵan jerimiz joq dese de bolady. Turmysymyz tómen boldy, tapshylyqtyń zardabyn tartýyndai-aq tarttyq. Jalǵyz basty ana retinde járdemaqy alýym qajet bolǵan, biraq turaqty tirkelgen jerim bolmaǵan soń ony da ala almadyq. Sodan soń memleketke bos jaltaqtai bergen qajet emes dep sheshtik. Arsen 8 synyp bitirgen. Sodan keiin esh jerde oqymady. Sebebi jaǵdaiymyz bolmady. 14 jasynan bastap qurylysta túrli jumystarda kómekshi bolyp jumys istedi. Jalǵyz ózi bizdi asyrady. Sońǵy jyldary qurylysta jumys bolmady, ol káriz júielerin tazalaý, qar kúreý siiaqty jumystarmen de ainalysty. Sosyn bazarda telefon satýǵa shyqty. Men oǵan urlanǵan telefondardy almaýyn, qujattaryn tekserýin ótinip júrdim. Ol maǵan qarsy kelip kórgen emes, «siz» dep sóilesedi», - dedi Riza Tańatarova.
Anasy Arsen namazdy 18 jasynan oqi bastaǵanyn aitty, juma saiyn «Nurdáýlet» meshitine baratyn. Sońǵy ýaqyttarda qalanyń eski bóligindegi bir meshitke baryp júrdi. Biraq, anasy onyń ortasynda radikaldyq kózqaraspen adamdar bolǵan-bolmaǵanyn bilmeidi. «Arsen qyzǵanshaq, úige eshkimdi ákelmeitin. Sondyqtan kimmen tyǵyz aralasqanyn bilmeimin. Ol qalanyń ár aýdandarynda turdy, sondyqtan dostary men tanystary da kóp bolatyn», - dedi Tańatarova.
Onyń aitýynsha, Arsen Dmitrii Tańatarov pen Arman Aitýǵandy tanymaidy, sol qyrsyq shalǵan 5 maýsym kúni ol tabiǵat aiasyna serýenge shyǵýǵa ázirlengen. «5 maýsym tańerteń ol ápkesi, jezdesimen serýenge shyǵatynyn, et satyp alýǵa baratynyn aitty. Alaida, saǵat 12.30-dyń kezinde onyń uialy telefony sóndirýli boldy. Oǵan bireýdiń aǵasy uldy bolyp, shildehanaǵa shaqyrǵanyn habarlaǵan. Sóitse aldap shaqyrypty. Ulym barǵan kezde odan telefondy alyp qoiǵan», - dep Arsenniń anasy sol kúndi sipattap berdi.
«Keiinnen tergeý abaqtysynda qylmys týraly habarlamaǵany úshin sottalyp jatqandardyń biri Arsenniń ketkisi kelgendigin, telefonyn almaqshy bolyp ketip, sodan beri ol ony kórmegen. Al bul jigit keiinirek kelgen, sondyqtan telefonyn tapsyrmaǵan, onyń jyldam ketip qalýǵa múmkindigi bolǵan. Arsenge izdeý jariialanǵanyn estigende, shoshyp kettim. Sol páterde olarǵa emotsiiaǵa áser etetin birdeńeni sýǵa qosyp bergenge uqsaidy. Arsen júkti áielin, meni bulai tastap ketýi múmkin emes. Onyń dini taza boldy, saqal qoimady, sholaq balaqty shalbar da kigen emes».
Arsenge izdeý jariialanǵanda, anasy ápkesimen birge qala boiynsha ony ózderi izdegen.
«Bir kúni Arsen Veneraǵa (áieli) habarlasyp, berilýge qorqatynyn, olar eskertýsiz oq atatynyn aitqan. Arsende 5 maýsymda et satyp almaqshy bolǵan aqshasy jáne 7-si kúni páterge tóleitin 30 myń teńgesi bolǵan. Bul aqshaǵa ol mai quiý stansasynan snikers pen sý satyp alǵan. Satýshylar ony tanymaǵan, sebebi izdeýge 18 jasynda túsken fotony bergen, ol osy ýaqyt aralyǵynda biraz ózgergen», - dedi R. Tańatarova.
Anasynyń aitýynsha, Arsen ózi berilgen, ol úige keldi, onda ony áieli men politseiler kútip otyrdy. «Venera politsiiadan oǵan oq atpaýdy ótindi. Arsenniń ústi qan-qan boldy, jarasyn fýtbolkamen tańyp qoiǵan. Kiimniń ornyna jyrtylǵan kórpeshe jamylyp alǵan. Kúre tamyry kesilgen. Óz-ózine qol jumsamaq bolǵan siiaqty», - dep boljaly R. Tańatarova.
Áieline «Pallada» dúkenine shabýyl jasalǵan ýaqytta qatty qoryqqanyn aitqan. Ái-shai joq atyp tastaidy dep oilaǵan. Aiyptalýshynyń anasy Arsen boi tasalap júrgende, odan onyń ómirbaiany men qaida jasyrynýy múmkin ekenin suraǵan.
«Bizden jaýap alǵannan keiin, sotqa ne týysy, ne qorǵaýshysy retinde qatysa almaimyz. Bizdi kýáger retinde jazǵan. Sotqa bizdi kirgizbeidi. Eshkimmen sózge kelgim kelmeidi. Óitkeni olar sot úkiminen keiin Arsendi qai túrmege aparatynyn bizge aitpai qoiýlary múmkin, men endi ulymdy kórmeitin shyǵarmyn dep qorqamyn», - degen muńymen bólisti Arsenniń anasy.
«Osy tórt aida uiqy-kúlki kórmedim, kelinniń qan qysymy kóterilip júr, bosanatyn ýaqyty keldi, biraq áli týa almai júr. Biz advokatqa aqsha jinadyq, biraq Arsen odan bas tartty».
Riza Tańatarova uly men basqa da aiyptalýshylar tiisti jazalaryn alýy kerektigine kelisedi. Tek Arsendi ómir boiyna bas bostandyǵynan aiyrmasa eken dep tileidi.
«Jazyqsyz qaza tapqan jandar úshin qynjylamyn. Olardyń týystaryna shyn júrekten kóńil aitamyn, eger osyǵan meniń ulymnyń kinási bolsa keshirim suraimyn», - dedi Arsenniń anasy.
