Aqtóbedegi Jańaqonys aýdanyndaǵy «Baqytjan» meshitiniń bas imamy qyzdarynyń oramalyn keshe ǵana sheshti. Imam osyǵan deiin Astanaǵa ashyq hat jazǵanyn alǵa tartyp, mektepke qyzdaryn oramalmen jibergen. Imam shý shyqqannan keiin ǵana qyzdarynyń oramalyn sheshýge kelisken, - dep jazady "Ult aqparat" aktobenews.kz portalyna silteme jasap.
«Bizde oqý jylynyń basynda 8 oqýshy oramal taǵyp kelip júrdi. Turaqty túrde túsindirý jumystary júrgizildi. Ekinshi toqsannan bastap barlyq bala oramalyn sheshti. Aýyldaǵy meshitte bas imam bolyp jasaityn Bilimjan degen imamnyń eki qyzy bizdiń mektepke keledi. 3 synypta oqityn qyzynyń oramalyn birden sheshti. Tek 6 synypta oqityn qyzyn baliǵat jasqa toldy dep osy kúnge deiin sheshpei kelgen bolatyn. Ol kisi Astanaǵa ashyq hat jazǵanyn aitty. Biraq, keshe mektepke qyzyn oramalsyz əkeldi», — deidi Jańaqonys orta mektebi direktorynyń tərbie isi jónindegi orynbasary Gaýhar Jaqsylyqqyzy.
Muǵalimder oramaldaryn sheshken oqýshylardyń birden úirenip ketkenin aitty.
«Biz oramalyn sheshken oqýshylar ózderin yńǵaisyz sezinbeý úshin kúnde sóilesemiz. Kerisinshe, balalardyń kóńilderi kóterińki. Olar buryn qurbylarymen súiip amandaspaityn edi. Qazir bir-birleriniń betin súiip amandasady», — deidi Gaýhar Jaqsylyqqyzy.
