Aqtóbe oblysynda Senat depýtattyǵyna sailaý ótti, dep habarlaidy "Ult aqparat".
Oblys boiynsha Parlament Senatynyń depýtattyǵyna eki úmitker tirkelgen bolatyn: Shalqar aýdanynyń ákimi Baýyrjan Qaniev jáne oblystyq kásipodaq tóraǵasy Altynbek Ámirǵaliev.
Sailaý Aqtóbedegi «Óner ortalyǵynda» ótti. Daýys berýge barlyǵy 200-ge jýyq máslihat depýtaty qatysty.
Sailaý qorytyndysy boiynsha Baýyrjan Qaniev - 143, Altynbek Ámirǵaliev 36 daýys jinady.
«2020 jyldyń 13 maýsymy men 12 shildesi aralyǵynda oblystyq sailaý komissiiasyna 6 ótinish tústi. Olardyń arasynda kásipkerler de, jumyssyz da boldy. Tek úsheýi resmi tirkelip, bireýi óz kandidattyǵyn alyp tastaýǵa qaita ótinish túsirdi. Kandidat Qudaibergen Bekenov sailaýǵa qatyspady», - dedi oblystyq sailaý komissiiasynyń tóraiymy Gúlnár Kúnbaeva.
Aita keteiik, sailaý kezinde sanitariia talaby qatań saqtaldy.
«Kire beriste barlyǵynyń dene qyzýy ólshenip, olarǵa ara qashyqtyqty saqtaý eskertildi. Sonymen birge daýys berý kezinde ár adamǵa bir qalam berildi. Bul da qaýipsizdik sharasy. Daýys berýshiler betperde taǵyp júrdi. Baqylaýshylar da óz jumysyn atqardy», - dedi G. Kúnbaeva.
