Aqtóbe qalasynyń turǵyny úsh balasyn tastap, Siriiaǵa ketip qalǵan, - dep habarlaidy Ult.kz tilshisi kaz.tengrinews.kz portalyna silteme jasap.
Aqtóbe turǵyny sotqa onyń áieliniń úiinde uzaq ýaqyt bolmaýyna qatysty ótinishpen kelgen. Er adam jazǵan ótinishinde áielimen 2005 jyldan beri nekede bolǵanyn kórsetti. Otbasynda kámelet jasyna tolmaǵan úsh bala bar. Kenjesi - 4 jasta. Sotta er adam 2013 jyly áieliniń Almatyǵa ketkenin, ol jaqtan Qyrǵyzstanǵa ketip qalǵanyn málimdedi. Al keiinirek áieli oǵan habarlasyp, óziniń Siriiada ekenin aitqan. Sol qońyraýdan soń áielinen eshqandai habar joq.
"Quqyq qorǵaý organdarynyń málimetterine sáikes, terrorizm men ekstremizdi nasihattap, terroristik topqa qatysy bolǵany úshin qylmystyq is qozǵaldy. Azamatshaǵa qatysty qylmystyq istiń qozǵalýyna bailanysty 2016 jyldyń 11 naýryzynda ol áielge halyqaralyq izdeý salyndy", - dep habarlady Aqtóbe oblystyq sotyndaǵylar.
Sonymen qatar, sottaǵylardyń aitýynsha, áiel Qazaqstan men Qyrǵyzstan shekarasymen jaiaý júrip ótken. "Osyǵan bailanysty sot ókilderinde azamatsha joǵalyp ketti dep aitýǵa eshqandai negiz bolmady. Aqtóbe oblystyq sotynyń sheshimimen úsh balanyń ákesi bergen ótinish qanaǵattandyrylmady", - dep habarlady Aqtóbe oblystyq sotynyń baspasóz qyzmetindegiler.
