اقتٶبە قالاسىنىڭ تۇرعىنى ٷش بالاسىن تاستاپ, سيريياعا كەتٸپ قالعان, - دەپ حابارلايدى ۇلت.كز تٸلشٸسٸ kaz.tengrinews.kz پورتالىنا سٸلتەمە جاساپ.
اقتٶبە تۇرعىنى سوتقا ونىڭ ەيەلٸنٸڭ ٷيٸندە ۇزاق ۋاقىت بولماۋىنا قاتىستى ٶتٸنٸشپەن كەلگەن. ەر ادام جازعان ٶتٸنٸشٸندە ەيەلٸمەن 2005 جىلدان بەرٸ نەكەدە بولعانىن كٶرسەتتٸ. وتباسىندا كەمەلەت جاسىنا تولماعان ٷش بالا بار. كەنجەسٸ - 4 جاستا. سوتتا ەر ادام 2013 جىلى ەيەلٸنٸڭ الماتىعا كەتكەنٸن, ول جاقتان قىرعىزستانعا كەتٸپ قالعانىن مەلٸمدەدٸ. ال كەيٸنٸرەك ەيەلٸ وعان حابارلاسىپ, ٶزٸنٸڭ سيرييادا ەكەنٸن ايتقان. سول قوڭىراۋدان سوڭ ەيەلٸنەن ەشقانداي حابار جوق.
"قۇقىق قورعاۋ ورگاندارىنىڭ مەلٸمەتتەرٸنە سەيكەس, تەرروريزم مەن ەكسترەميزدٸ ناسيحاتتاپ, تەرروريستٸك توپقا قاتىسى بولعانى ٷشٸن قىلمىستىق ٸس قوزعالدى. ازاماتشاعا قاتىستى قىلمىستىق ٸستٸڭ قوزعالۋىنا بايلانىستى 2016 جىلدىڭ 11 ناۋرىزىندا ول ەيەلگە حالىقارالىق ٸزدەۋ سالىندى", - دەپ حابارلادى اقتٶبە وبلىستىق سوتىنداعىلار.
سونىمەن قاتار, سوتتاعىلاردىڭ ايتۋىنشا, ەيەل قازاقستان مەن قىرعىزستان شەكاراسىمەن جاياۋ جٷرٸپ ٶتكەن. "وسىعان بايلانىستى سوت ٶكٸلدەرٸندە ازاماتشا جوعالىپ كەتتٸ دەپ ايتۋعا ەشقانداي نەگٸز بولمادى. اقتٶبە وبلىستىق سوتىنىڭ شەشٸمٸمەن ٷش بالانىڭ ەكەسٸ بەرگەن ٶتٸنٸش قاناعاتتاندىرىلمادى", - دەپ حابارلادى اقتٶبە وبلىستىق سوتىنىڭ باسپاسٶز قىزمەتٸندەگٸلەر.
