Aqtóbelik 8 artilleriialyq snariad taýyp alyp, politsiiaǵa tapsyrdy, dep habarlaidy "Ult aqparat".
Aqtóbe oblysynda qarý satyp alý aktsiiasy jalǵasyp jatyr. Oblys turǵyndary atasynan qalǵan ańshy myltyǵy men taýyp alǵan qarý-jaraqtaryn syiaqy úshin ótkizdi.
«Politsiia bólimine Temir aýdanynyń 46 jastaǵy turǵyny habarlasyp, ol 8 dana artilleriialyq snariadty tapsyrdy. Er adamnyń aitýynsha, snariadty balyq aýlaýǵa barǵan kezde taýyp alǵan. Qazirgi ýaqytta artilleriialyq jarylǵysh zat saraptamaǵa jiberildi. Oblystyq politsiia departamenti zańsyz saqtalǵan qarý men oq-dárilerdi óz erkimen tapsyrǵan adamdar qylmystyq jáne ákimshilik jaýapqa tartylmaitynyn taǵy eske salady», - dedi oblystyq PD baspasóz qyzmetiniń jetekshisi Erbolat Sarqulov.
