Aqtóbe qalasyna ánshi Dimash Qudaibergenniń fanattary keldi. Álemniń birqatar elinen jinalǵan jankúierler oqý oryndary men qalanyń kórikti jerlerin aralaýǵa shyqty, dep habarlaidy QazAqparat.
Aqtóbede Dimash Qudaibergen úshin arnaiy týristik baǵyt ázirlengen. Eki kúndik sapar kezinde ánshiniń fanattary men shyn janashyrlary mektepke, mýzykalyq kolledj ben ol turǵan úige barýdy josparlady.
«Aqtóbege álemniń bes elinen fanattar keldi. Olar úshin eki kúndik týristik sapar uiymdastyryp berip otyrmyz. Alǵashqy kúni olar №32 mektep gimnaziiasyna barady. Munda ánshiniń ustazdarymen kezdesip, oqýshy Dimashty tani alady. Mýzykalyq kolledjde de oqytýshylarymen kezdesip, stýdent shaǵyndaǵy mekenmen tanysýǵa múmkindik jasalǵan. Sonymen birge Dimashtyń úiine baryp, tanysady. Qalany aralaý, kórikti jerlerine saiahat ta qarastyrylǵan», - týristik kompaniianyń bas direktory dedi Meiramgúl Balǵojina.
Onyń aitýynsha, bir ǵana týristik kompaniia Dimash Qudaibergenniń án keshi bolatyn kezde 200-den astam týristi qabyldap, qyzmet kórsetpek. Olar álemniń 35 elinen ótinish bildirgen. Alǵashqy legi, ondaǵy 11 fanat Aqtóbeni kórýdi maqsat etken. Osy jolmen týristerdi ákelý jalǵasa beredi.
«AQSh, Ulybritaniia, Ýrýgvai, Litva, Malaiziia, Vetnamnan bar. Jalpy mundai týrdy 2017, 2019 jyldary uiymdastyrdyq. Jalpy fanattar Almaty, Astana, Túrkistan, Taraz, Shymkentke barady. AQSh-tan kelgen fanattyń biri Aralǵa baryp, onyń problemasyn kóterýdi kózdep otyr», - dedi Meiramgúl Balǵojina.
Eske salsaq, Dimash Qudaibergen Aqtóbedegi №32 mektep-gimnaziiada bilim alǵan.
