اقتٶبە قالاسىنا ەنشٸ ديماش قۇدايبەرگەننٸڭ فاناتتارى كەلدٸ. ەلەمنٸڭ بٸرقاتار ەلٸنەن جينالعان جانكٷيەرلەر وقۋ ورىندارى مەن قالانىڭ كٶرٸكتٸ جەرلەرٸن ارالاۋعا شىقتى, دەپ حابارلايدى قازاقپارات.
اقتٶبەدە ديماش قۇدايبەرگەن ٷشٸن ارنايى تۋريستٸك باعىت ەزٸرلەنگەن. ەكٸ كٷندٸك ساپار كەزٸندە ەنشٸنٸڭ فاناتتارى مەن شىن جاناشىرلارى مەكتەپكە, مۋزىكالىق كوللەدج بەن ول تۇرعان ٷيگە بارۋدى جوسپارلادى.
«اقتٶبەگە ەلەمنٸڭ بەس ەلٸنەن فاناتتار كەلدٸ. ولار ٷشٸن ەكٸ كٷندٸك تۋريستٸك ساپار ۇيىمداستىرىپ بەرٸپ وتىرمىز. العاشقى كٷنٸ ولار №32 مەكتەپ گيمنازيياسىنا بارادى. مۇندا ەنشٸنٸڭ ۇستازدارىمەن كەزدەسٸپ, وقۋشى ديماشتى تاني الادى. مۋزىكالىق كوللەدجدە دە وقىتۋشىلارىمەن كەزدەسٸپ, ستۋدەنت شاعىنداعى مەكەنمەن تانىسۋعا مٷمكٸندٸك جاسالعان. سونىمەن بٸرگە ديماشتىڭ ٷيٸنە بارىپ, تانىسادى. قالانى ارالاۋ, كٶرٸكتٸ جەرلەرٸنە ساياحات تا قاراستىرىلعان», - تۋريستٸك كومپانييانىڭ باس ديرەكتورى دەدٸ مەيرامگٷل بالعوجينا.
ونىڭ ايتۋىنشا, بٸر عانا تۋريستٸك كومپانييا ديماش قۇدايبەرگەننٸڭ ەن كەشٸ بولاتىن كەزدە 200-دەن استام تۋريستٸ قابىلداپ, قىزمەت كٶرسەتپەك. ولار ەلەمنٸڭ 35 ەلٸنەن ٶتٸنٸش بٸلدٸرگەن. العاشقى لەگٸ, ونداعى 11 فانات اقتٶبەنٸ كٶرۋدٸ ماقسات ەتكەن. وسى جولمەن تۋريستەردٸ ەكەلۋ جالعاسا بەرەدٸ.
«اقش, ۇلىبريتانييا, ۋرۋگۆاي, ليتۆا, مالايزييا, ۆەتنامنان بار. جالپى مۇنداي تۋردى 2017, 2019 جىلدارى ۇيىمداستىردىق. جالپى فاناتتار الماتى, استانا, تٷركٸستان, تاراز, شىمكەنتكە بارادى. اقش-تان كەلگەن فاناتتىڭ بٸرٸ ارالعا بارىپ, ونىڭ پروبلەماسىن كٶتەرۋدٸ كٶزدەپ وتىر», - دەدٸ مەيرامگٷل بالعوجينا.
ەسكە سالساق, ديماش قۇدايبەرگەن اقتٶبەدەگٸ №32 مەكتەپ-گيمنازييادا بٸلٸم العان.
