Aqtóbede oblystyq tarihi-ólketaný murajaiynyń jańa ǵimaratynda «N.Nazarbaev: dáýir, tulǵa, qoǵam» kóshpeli qor kórmesi saltanatty túrde ashyldy.
Sharanyń tusaýkeserine QR Prezidenti keńsesiniń bastyǵy – QR Tuńǵysh Prezidenti – Elbasy kitaphanasynyń direktory mindetin atqarýshy Mahmud Qasymbekov pen Aqtóbe oblysynyń ákimi Berdibek Saparbaev, ardagerler men jurtshylyq, stýdent jastar qatysty.
Mahmud Qasymbekov óziniń sálemdesý sózinde Aqtóbege Prezidenttiń arnaiy tapsyrmasymen kelgenin atap ótti.
«Qutty meken Aqtóbeniń turǵyndarymen jáne qonaqtarymen kezdeskenime qýanyshtymyn. Osynda kóshpeli kórmeni ótkizý – memleket basshysynyń tapsyrmasy ekenin erekshe atap ótkim keledi. Elbasymyzdyń mýzeiin el táýelsizdiginiń shuǵylaly shejiresi dep ataýǵa bolady. Sebebi, Elbasymyzben el táýelsizdigi – egiz uǵym. Biz búgin bul kórmege myńnan asa eksponattar, qundy qujattar, foto jáne beine materialdar alyp kelip otyrmyz. Olar elimizdiń táýelsizdik jyldarynda júrip ótken dańqty joldaryn aiqyn kórsetip tur»,-dedi ol.
Oblys ákimi Berdibek Saparbaev oblys halqyn eleýli oqiǵamen quttyqtady.
«Búkil aqtóbeliktiń atynan Mahmud Bazarqululyna jáne Elbasy kiaphanasynyń barlyq qyzmetkerlerine kórmeni uiymdastyrǵandary úshin alǵys aitamyn. Kórme oblys turǵyndarymen qosa, bizdiń qonaqtarǵa da qyzyq bolatynyna senimdimin. Árqaisysymyz memlekettiń qalai qalyptasqanyn, qandai aýyr kúnder bolǵanyn, Qazaqstan osy 27 jyldyń ishinde Memleket basshysy Nursultan Nazarbaevtyń dana saiasatynyń arqasynda dúniejúzilik qaýymdastyqta shúbásiz bedelge qalai ie bolǵanyn bilip, este saqtaýldarymyz kerek»,-dedi oblys ákimi.
«N.Nazarbaev: dáýir, tulǵa, qoǵam» kórmesiniń negizgi maqsaty – Qazaqstan Respýblikasynyń Tuńǵysh Prezidenti – Elbasynyń táýelsiz Qazaqstannyń tarihi ómirindegi rólin júieli túrde keńinen kórsetý.
Kórmege kelýshiler Elbasy kitaphanasynyń arhivtik, kitap, murajai qorlarynyń materialdarymen tanysa alady. Alǵash ret Aqtóbe jurtshylyǵynyń nazaryna N.Á. Nazarbaevtyń joǵary memlekettik nagradalarynyń biregei jinaǵy, memleket basshylary jáne qazaqstandyq avtorlar tartý etken qoltańbasy bar kitaptar, sonymen qatar N.Á. Nazarbaevtyń shet tilderge aýdarylǵan eńbekteri usynyldy. Kórme tórt bólimnen turady.
«Elbasy joly» bólimi QR Tuńǵysh Prezidenti – Elbasy N.Á.Nazarbaevtyń ómir kezeńderinen syr shertedi. Elbasynyń joly rýhani sananyń dáýiri men shyǵýy mazmunyn bildiretin tarihi úderister men oqiǵalardy sipattaý arqyly kórsetiledi. Qazaqstan Prezidentiniń alǵashqy búkilhalyqtyq sailaýy elimizdiń táýelsizdiginiń negizgi baǵyttaryn aiqyndaǵan basty tarihi tańdaýy boldy.
«Elbasy fenomeni» bólimi Qazaqstan Respýblikasynyń negizin qalaǵan, jahandyq keńistikte turaqtylyq pen qaýipsizdiktiń jańa ideialaryn engizgen N.Á. Nazarbaevtyń memlekettik qurylym tujyrymdamasynyń qalyptasýy men damýy tarihyna jeteleidi. Kóshbasshy fenomeni Semei iadrolyq poligonynyń jabylýynan bastap, memleket astanasyn aýystyrý ideiasyn júzege asyrýǵa deiingi tarihi mańyzy bar sheshimder men bastamalar arqyly kórinis tapqan.
«Álem tanyǵan Elbasy» bóliminde Qazaqstan Respýblikasynyń qarqyndy syrtqy saiasaty kórsetiledi. Bul – álemdik deńgeidegi saiasatker, Qazaqstan Respýblikasynyń Tuńǵysh Prezidenti N. Á. Nazarbaevtyń biik bedeli men asqaq abyroiynyń jemisi.
Elimizdiń kópvektorly syrtqy saiasaty diplomatiialyq tartý-taralǵylar, jeke jazbalar, arhivtik materialdar arqyly kórsetilgen. Árbir syi-siiapattan kez kelgen qaýip-qater men túsinbeýshilikten azat beibit álemdi qalyptastyrýdaǵy N. Á. Nazarbaevtyń eren eńbegin tanyǵan sheteldik memleket jáne úkimet basshylarynyń jeke qurmeti aiqyn kórinedi
«Elbasy mártebesi – el mártebesi» bóliminde Memleket basshysynyń jáne Qazaqstan halqynyń jahandyq úderisterdiń turaqtylyǵy men órkendeýine qosqan úlesi úshin tabys etilgen Elbasynyń joǵary memlekettik marapattary usynylǵan.
Kórme ekspozitsiiasynyń negizinde sholý ekskýrsiialarynan basqa «Tarihi tańdaý», «Atameken», «Elbasy mártebesi – el mártebesi» taqyryptyq ekskýrsiialary júrgiziledi. Ekskýrsiialar ártúrli sanattaǵy – balalar men eresekter syndy kelýshilerge arnalady
Qor kórmesi Qazaqstan Respýblikasynyń Tuńǵysh Prezidenti – Elbasy kitaphanasynyń atalmysh kóshpeli kórme jobasynyń basty oqiǵasy bolyp tabylady. Joba aiasyndaaýqymdy ǵylymi-bilim berý, mádeni-aǵartý sharalary, sonymen qatar Aqtóbe oblysy boiynsha kóshpeli ekskýrsiialar uiymdastyrylady. Elbasy kitaphanasynyń qyzmeti tájiribesinde «Jádigerler sóileidi» toptamasynan kóshpeli dárister, mýzei sabaqtary, kóshpeli ekskýrsiialar syndy mádeni-aǵartýshylyq qyzmettiń erekshe túrleri belsendi qoldanylyp keledi.
Elbasy kitaphanasynyń jobasy 2017 jylǵy qarashada Almatydan bastaý alyp, 2018 jylǵy aqpan aiynda Shymkentte jalǵassa, al qyrkúiek aiynda Atyraý oblysynda tabysty ótti. Jalpy 2017-2018 jyldary kórmeni 350 myńnan astam adam tamashalady.
Kórme 2019 jylǵy qańtar aiynyń sońyna deiin jalǵasady.
