Aqtóbe qalalyq sotynda liftidegi qaiǵyly oqiǵaǵa bailanysty sot úkimi shyqty, dep habarlaidy QazAqparat tilshisi sot zalynan.
Jýrnalist Aizat Ábdisamattyń qazasyna bailanysty liftini jóndep, iske qosýdy óz mindetine alǵan «Janabek Servis»JShS direktory Kenen Janabekov pen bir rettik jóndeý jumysyn júrgizgen mehanik Jarylqasyn Aqjanov aiypty dep tanyldy.
«Kenen Janabekov Qylmystyq kodekstiń 306-baby 3-tarmaǵy boiynsha aiypty dep tanyp, 4 jylǵa shartty túrde bas bostandyǵynan aiyrý jazasy taǵaiyndaldy. Jarylqasyn Aqjanov aiyptydep tanylyp, 4 jylǵa bas bostandyǵynan aiyrý jazasy taǵaiyndaldy. Ol sot zalynan qamaýǵa alyndy», - dedi sýdia Erbol Ábdihalyqov. Jarylqasyn Aqjanov 2 million teńge moraldyq shyǵyn óteýi tiis.
Eske salsaq, osy jyldyń sáýir aiynda jýrnalist Aizat Ábdisamat lift esigine qysylyp, qaitys bolǵan edi. Osy oqiǵaǵa bailanysty Qylmystyq kodekstiń «Qaýipsizdik talaptaryna sai kelmeitin taýarlardy shyǵarý nemese satý, jumystardy oryndaý ne qyzmetter kórsetý» baby boiynsha qylmystyq is qozǵaldy.
Sot bastalmas buryn Aizat Ábdisamattyń anasy kináli adamdardyń jazalanýyn surady. Al prokýrorlar sottalýshylardy aiypty dep tanyp, 4 jylǵa bas bostandyǵynan aiyrý jazasyn taǵaiyndaýdy ótindi.
