Aqtóbedegi teraktige qatysty iste 30 kúdikti sot aldynda jaýap beredi, - dep habarlaidy "Ult aqparat" QR UQK-ne silteme jasap.
Vedomstvonyń málimetinshe, sot aldynda 9 lańkes, 18 málimet berýshi men qylmysty jasyrdy delingen 3 adam jaýap beredi.
"Qylmystyq isti tergeý jumystary aiaqtaldy. Istiń materialdary tanysýǵa berildi. Jalpy 77 qylmystyq is qozǵaldy, is bir óndiriske biriktirildi. 21 figýrant qamaýǵa alyndy. Osy is boiynsha 215 túrli sot saraptamasy men 26 zertteý taǵaiyndaldy. Kózi joiylǵan 18 lańkeske qatysty qylmystyq isti toqtatý týraly sheshim qabyldandy. Oblystyq prokýratýranyń kelisimimen kúdiktilerdi ustaý merzimi sottyń sheshimimen 4 aiǵa uzartyldy. Tergeý qorytyndysyna sáikes, terroristik akt DAISh uiymynyń resmi ókili, iaǵni "Sheih ál-Adnanidiń" yqpalynan oilamaǵan jerden uiymdastyrylǵan", - dep habarlady QR UQK ókilderi.
Eske salaiyq, Aqtóbede bolǵan atysta 7 adam qaza taýyp, 18 adam jaraqat alǵan bolatyn. Barlyǵy 30 turǵynǵa meditsinalyq kómek qajet bolǵan edi. Sonymen qatar, Pallada" men "Pantera" qarý-jaraq dúkenderine shabýyl jasalǵan bolatyn.
Ult portaly
