Foto: 2gis.kz
Aqtóbe qalasynda 13 jastaǵy oqýshynyń qaitys bolýyna qatysty sotaldy tergeý bastaldy, - dep habarlaidy Tengrinews.kz saity.
Aqtóbe oblysy prokýrorynyń kómekshisi Eshanovtyń sózinshe, 14 jeltoqsanda saǵat 11.55 shamasynda qaladaǵy ortalyq balalar aýrýhanasynda 2010 jyly týǵan, 7-synyp oqýshysy qaitys bolǵany týraly habar túsken.
Marqum oqýshynyń synyptastarynyń aitýynsha, ol synypqa júgirip kelip, partaǵa soǵylyp, qulap qalǵan.
Qazirgi ýaqytta oqiǵa ornynda Politsiia basqarmasy men Aqtóbe qalasy prokýratýrasynyń jedel-tergeý toby jumys istep jatyr. Qylmystyq kodekstiń 141-baby 2-bóligi ("Balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tiisinshe oryndamaý") boiynsha sotqa deiingi tergeý bastaldy.
Tergeý barysyn oblys prokýrory jeke baqylaýǵa aldy.
Eske salaiyq, buǵan deiin Aqtóbedegi mektepterdiń birinde 13 jastaǵy oqýshy qaitys bolǵany habarlanǵan bolatyn. Oblystyq densaýlyq saqtaý basqarmasy oqiǵaǵa qatysty aqparatty rastady.
"13 jastaǵy bala mektepte qulap, ústeldiń buryshyna soǵylǵan. Klinikalyq ólim jaǵdaiynda jetkizildi. Tekserý kezinde pýlsatsiia bolmady, qan qysymy anyqtalmady, es-tússiz boldy. Iek aimaǵynda jaraqat boldy. Dereý reanimatsiia jasaldy. Saǵat 11:25-te qaitys boldy", - dedi Aqtóbe oblysy Densaýlyq saqtaý basqarmasynyń basshysy Rústem Isaev.
