فوتو: 2gis.kz
اقتٶبە قالاسىندا 13 جاستاعى وقۋشىنىڭ قايتىس بولۋىنا قاتىستى سوتالدى تەرگەۋ باستالدى, - دەپ حابارلايدى Tengrinews.kz سايتى.
اقتٶبە وبلىسى پروكۋرورىنىڭ كٶمەكشٸسٸ ەششانوۆتىڭ سٶزٸنشە, 14 جەلتوقساندا ساعات 11.55 شاماسىندا قالاداعى ورتالىق بالالار اۋرۋحاناسىندا 2010 جىلى تۋعان, 7-سىنىپ وقۋشىسى قايتىس بولعانى تۋرالى حابار تٷسكەن.
مارقۇم وقۋشىنىڭ سىنىپتاستارىنىڭ ايتۋىنشا, ول سىنىپقا جٷگٸرٸپ كەلٸپ, پارتاعا سوعىلىپ, قۇلاپ قالعان.
قازٸرگٸ ۋاقىتتا وقيعا ورنىندا پوليتسييا باسقارماسى مەن اقتٶبە قالاسى پروكۋراتۋراسىنىڭ جەدەل-تەرگەۋ توبى جۇمىس ٸستەپ جاتىر. قىلمىستىق كودەكستٸڭ 141-بابى 2-بٶلٸگٸ ("بالالاردىڭ ٶمiرi مەن دەنساۋلىعىنىڭ قاۋiپسiزدiگiن قامتاماسىز ەتۋ جٶنiندەگi مiندەتتەردi تيٸسٸنشە ورىنداماۋ") بويىنشا سوتقا دەيٸنگٸ تەرگەۋ باستالدى.
تەرگەۋ بارىسىن وبلىس پروكۋرورى جەكە باقىلاۋعا الدى.
ەسكە سالايىق, بۇعان دەيٸن اقتٶبەدەگٸ مەكتەپتەردٸڭ بٸرٸندە 13 جاستاعى وقۋشى قايتىس بولعانى حابارلانعان بولاتىن. وبلىستىق دەنساۋلىق ساقتاۋ باسقارماسى وقيعاعا قاتىستى اقپاراتتى راستادى.
"13 جاستاعى بالا مەكتەپتە قۇلاپ, ٷستەلدٸڭ بۇرىشىنا سوعىلعان. كلينيكالىق ٶلٸم جاعدايىندا جەتكٸزٸلدٸ. تەكسەرۋ كەزٸندە پۋلساتسييا بولمادى, قان قىسىمى انىقتالمادى, ەس-تٷسسٸز بولدى. يەك ايماعىندا جاراقات بولدى. دەرەۋ رەانيماتسييا جاسالدى. ساعات 11:25-تە قايتىس بولدى", - دەدٸ اقتٶبە وبلىسى دەنساۋلىق ساقتاۋ باسقارماسىنىڭ باسشىسى رٷستەم يساەۆ.
