Telearna málimeti boiynsha, balanyń týystary naýryzdyń basynda sabaq birinshi aýysymǵa aýysqan kezde onyń minez-qulqy ózgergenin baiqaǵan. Jeti jastaǵy bala jii ashýlanyp, anasy men ájesine ony mektepke aparmaýyn ótinedi. Ol toǵyzynshy synyp oqýshylary ájethanada uryp-soǵyp, qoldaryn burap, tepkileitinin aitqan. Balanyń ata-anasy synyp jetekshisine birneshe ret shaǵymdanǵan. Biraq odan nátije bolmaǵan.
"Biz ony uryp-soǵady dep oilap júrippiz. Bir kúni mektepten kelgende ony shomyldyrmaq boldyq. Biraq búkil denesi aýyratynyn aityp, qol tigizbedi. "Ne boldy?" dep suraǵanymyzda ol bárin aityp berdi. Tórt jasóspirim oǵan qorqynyshty dúnie jasaǵan. Nemerem toǵyzynshy synyp oqýshylarynyń biri kúzetip turyp, al qalǵan úsheýi ony uryp-soǵyp, zorlaǵanyn aitty", - dedi jábirlenýshiniń ájesi.
Ájesiniń aitýynsha, nemeresi sabaqqa keshigip kirgende muǵalimderge ájethanada balalar uryp-soqqanyn aitqan. Biraq oǵan eshkim senbegen. Balanyń ata-anasy politsiiaǵa aryz jazyp, beinebaqylaý kameralarynan jazbalardy zertteýdi talap etti. Mektepte jazba júrgizilmegenin aityp, qural-jabdyqtar jóndeýde dep jaýap bergen.
"Men nemeremnen nege maǵan bárin aitpaǵanyn suradym. Olar qorqytqan eken. Bireýge aitsa basyn julyp alamyz degen. Olar: "eger bizdi sottasa, onda sen bizben birge túrmede otyrasyń", - dedi. Ol áli kishkentai. Ne bolatynyn túsinbeidi", - dep qosty áiel.
Politsiia derekti Qylmystyq kodekstiń 121-baby 4-bóligi ("Seksýaldyq sipattaǵy zorlyq-zombylyq áreketteri") boiynsha sotaldy tergeýdiń biryńǵai tizilimine tirkegenin habarlady. Sot saraptamalary taǵaiyndalǵan. Jergilikti politsiia bastyǵynyń orynbasary Rafael Januzaqovtyń aitýynsha, qylmystyq is Aqtóbe oblysy politsiia departamentiniń baqylaýyna alynǵan.
Birinshi synyp oqýshysynyń anasy men ájesi balalar ombýdsmeni Arýjan Sainnan kómek suraǵan. Olar is qaralmai jabylyp qalady dep qorqady.
VIDEO
