تەلەارنا مەلٸمەتٸ بويىنشا, بالانىڭ تۋىستارى ناۋرىزدىڭ باسىندا ساباق بٸرٸنشٸ اۋىسىمعا اۋىسقان كەزدە ونىڭ مٸنەز-قۇلقى ٶزگەرگەنٸن بايقاعان. جەتٸ جاستاعى بالا جيٸ اشۋلانىپ, اناسى مەن ەجەسٸنە ونى مەكتەپكە اپارماۋىن ٶتٸنەدٸ. ول توعىزىنشى سىنىپ وقۋشىلارى ەجەتحانادا ۇرىپ-سوعىپ, قولدارىن بۇراپ, تەپكٸلەيتٸنٸن ايتقان. بالانىڭ اتا-اناسى سىنىپ جەتەكشٸسٸنە بٸرنەشە رەت شاعىمدانعان. بٸراق ودان نەتيجە بولماعان.
"بٸز ونى ۇرىپ-سوعادى دەپ ويلاپ جٷرٸپپٸز. بٸر كٷنٸ مەكتەپتەن كەلگەندە ونى شومىلدىرماق بولدىق. بٸراق بٷكٸل دەنەسٸ اۋىراتىنىن ايتىپ, قول تيگٸزبەدٸ. "نە بولدى?" دەپ سۇراعانىمىزدا ول بەرٸن ايتىپ بەردٸ. تٶرت جاسٶسپٸرٸم وعان قورقىنىشتى دٷنيە جاساعان. نەمەرەم توعىزىنشى سىنىپ وقۋشىلارىنىڭ بٸرٸ كٷزەتٸپ تۇرىپ, ال قالعان ٷشەۋٸ ونى ۇرىپ-سوعىپ, زورلاعانىن ايتتى", - دەدٸ جەبٸرلەنۋشٸنٸڭ ەجەسٸ.
ەجەسٸنٸڭ ايتۋىنشا, نەمەرەسٸ ساباققا كەشٸگٸپ كٸرگەندە مۇعالٸمدەرگە ەجەتحانادا بالالار ۇرىپ-سوققانىن ايتقان. بٸراق وعان ەشكٸم سەنبەگەن. بالانىڭ اتا-اناسى پوليتسيياعا ارىز جازىپ, بەينەباقىلاۋ كامەرالارىنان جازبالاردى زەرتتەۋدٸ تالاپ ەتتٸ. مەكتەپتە جازبا جٷرگٸزٸلمەگەنٸن ايتىپ, قۇرال-جابدىقتار جٶندەۋدە دەپ جاۋاپ بەرگەن.
"مەن نەمەرەمنەن نەگە ماعان بەرٸن ايتپاعانىن سۇرادىم. ولار قورقىتقان ەكەن. بٸرەۋگە ايتسا باسىن جۇلىپ الامىز دەگەن. ولار: "ەگەر بٸزدٸ سوتتاسا, وندا سەن بٸزبەن بٸرگە تٷرمەدە وتىراسىڭ", - دەدٸ. ول ەلٸ كٸشكەنتاي. نە بولاتىنىن تٷسٸنبەيدٸ", - دەپ قوستى ەيەل.
پوليتسييا دەرەكتٸ قىلمىستىق كودەكستٸڭ 121-بابى 4-بٶلٸگٸ ("سەكسۋالدىق سيپاتتاعى زورلىق-زومبىلىق ەرەكەتتەرٸ") بويىنشا سوتالدى تەرگەۋدٸڭ بٸرىڭعاي تٸزٸلٸمٸنە تٸركەگەنٸن حابارلادى. سوت ساراپتامالارى تاعايىندالعان. جەرگٸلٸكتٸ پوليتسييا باستىعىنىڭ ورىنباسارى رافاەل جانۇزاقوۆتىڭ ايتۋىنشا, قىلمىستىق ٸس اقتٶبە وبلىسى پوليتسييا دەپارتامەنتٸنٸڭ باقىلاۋىنا الىنعان.
بٸرٸنشٸ سىنىپ وقۋشىسىنىڭ اناسى مەن ەجەسٸ بالالار ومبۋدسمەنٸ ارۋجان سايننان كٶمەك سۇراعان. ولار ٸس قارالماي جابىلىپ قالادى دەپ قورقادى.
