Aqtóbede «Shaniraq Aqtobe» jáne «Shuǵyla» qoǵamdyq qorlary 220 ottegi kontsentratoryn tartý etti, dep habarlaidy "Ult aqparat".
«Shaniraq Aqtobe» jáne «Shuǵyla» qoǵamdyq qorlary birigip, «Owgels» ottegi kontsentratorynyń 220 danasyn Aqtóbe oblysynyń 19 aýrýhanasyna tabystady.
«Qarjyny qarapaiym adamdar, kásipkerler jinady. Aqtóbe oblysyna berilgen ottegi kontsentratory óńir qajettiligin tolyq óteýge jetedi dep eseptep otyrmyz. Buǵan deiin de eriktiler aýrýhanalarǵa kómektesti. Al emdeý mekemeleri bizge óz qajettilikteri týraly aityp berdi», - dedi qoǵamdyq qor quryltaishysy Edil Aimaǵambetov.
Aita keteiik, ottegi kontsentratory Qytai zaýytynan tikelei jetkizildi. Tasymaldaýǵa elimizdiń Densaýlyq saqtaý ministrligi qoldaý kórsetti. Qazaqstanǵa ákelingen 1 myń dana apparattyń 220-sy Aqtóbege bólindi.
«Qazirgi kezde koronavirýs pen pnevmaniiaǵa shaldyqqandar sany azaidy. Provizorlyq, infektsiialyq statsionarlardyń 30-40 paiyzynda ǵana emdelýshiler bar. Barlyǵy 3 myń kereýettiń 1 myńynda naýqastar jatyr. Bul jumyla jumys istegenniń nátijesi dep bilemiz. Búgin qoǵamdyq qor emdeý mekemelerine jańa ottegi apparatyn jetkizdi. Kóbin aýdandarǵa jiberip jatyrmyz. Ottegi kontsentratorymen qamtamasyz etý zańdylyǵan súiensek, óńirge 684 apparat qajet. Osy joly qajettilik 100 paiyz óteldi», - dedi oblystyq densaýlyq saqtaý basqarmasynyń basshysy Samat Daniiarov.
