اقتٶبەدە «Shaniraq Aqtobe» جەنە «شۇعىلا» قوعامدىق قورلارى 220 وتتەگٸ كونتسەنتراتورىن تارتۋ ەتتٸ, دەپ حابارلايدى "ۇلت اقپارات".
«Shaniraq Aqtobe» جەنە «شۇعىلا» قوعامدىق قورلارى بٸرٸگٸپ, «Owgels» وتتەگٸ كونتسەنتراتورىنىڭ 220 داناسىن اقتٶبە وبلىسىنىڭ 19 اۋرۋحاناسىنا تابىستادى.
«قارجىنى قاراپايىم ادامدار, كەسٸپكەرلەر جينادى. اقتٶبە وبلىسىنا بەرٸلگەن وتتەگٸ كونتسەنتراتورى ٶڭٸر قاجەتتٸلٸگٸن تولىق ٶتەۋگە جەتەدٸ دەپ ەسەپتەپ وتىرمىز. بۇعان دەيٸن دە ەرٸكتٸلەر اۋرۋحانالارعا كٶمەكتەستٸ. ال ەمدەۋ مەكەمەلەرٸ بٸزگە ٶز قاجەتتٸلٸكتەرٸ تۋرالى ايتىپ بەردٸ», - دەدٸ قوعامدىق قور قۇرىلتايشىسى ەدٸل ايماعامبەتوۆ.
ايتا كەتەيٸك, وتتەگٸ كونتسەنتراتورى قىتاي زاۋىتىنان تٸكەلەي جەتكٸزٸلدٸ. تاسىمالداۋعا ەلٸمٸزدٸڭ دەنساۋلىق ساقتاۋ مينيسترلٸگٸ قولداۋ كٶرسەتتٸ. قازاقستانعا ەكەلٸنگەن 1 مىڭ دانا اپپاراتتىڭ 220-سى اقتٶبەگە بٶلٸندٸ.
«قازٸرگٸ كەزدە كوروناۆيرۋس پەن پنەۆمانيياعا شالدىققاندار سانى ازايدى. پروۆيزورلىق, ينفەكتسييالىق ستاتسيونارلاردىڭ 30-40 پايىزىندا عانا ەمدەلۋشٸلەر بار. بارلىعى 3 مىڭ كەرەۋەتتٸڭ 1 مىڭىندا ناۋقاستار جاتىر. بۇل جۇمىلا جۇمىس ٸستەگەننٸڭ نەتيجەسٸ دەپ بٸلەمٸز. بٷگٸن قوعامدىق قور ەمدەۋ مەكەمەلەرٸنە جاڭا وتتەگٸ اپپاراتىن جەتكٸزدٸ. كٶبٸن اۋداندارعا جٸبەرٸپ جاتىرمىز. وتتەگٸ كونتسەنتراتورىمەن قامتاماسىز ەتۋ زاڭدىلىعان سٷيەنسەك, ٶڭٸرگە 684 اپپارات قاجەت. وسى جولى قاجەتتٸلٸك 100 پايىز ٶتەلدٸ», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى سامات دانيياروۆ.
