Foto: Polisia.kz
Aqtóbedegi demalys bazalarynyń biriniń aýmaǵynda qarda júretin kólik bir top adamdy qaǵyp ketken oqiǵanyń egjei-tegjeii belgili boldy, - dep habarlaidy Tengrinews.kz portaly diapazon.kz saityna silteme jasap.
Áieldi qaǵyp óltirgen qar kóligi tizgininde bolǵan oqýshynyń týysyna tiesili bolyp shyqty.
"Qarda júretin kólik balanyń týysyna tiesili. Ol 2007 jyly týǵan. QR Qylmystyq kodeksiniń 345-baby 3-bóligi "Adam ólimine ákep soqqan jol qozǵalysy erejelerin buzý" boiynsha sotaldy tergeý bastaldy".
Tergeý barysynda bap qaita saralanýy múmkin, oqiǵa bolǵan jer jol júrý bóligi sanalmaidy. Jábirlenýshini qaǵyp ketken bala zardap shekpegen. Zardap shekkender bir otbasynyń músheleri emes. Oqiǵaǵa kináliler tergeý barysynda anyqtalady.
Demalys ortalyǵy basshylyǵynyń kinási de anyqtalady. Jańa jaǵdailar ashylýy múmkin. Biraq búginde qarda júretin kóliktiń "Taýǵa" esh qatysy joq ekeni belgili. Oqýshy kólikti týysqanynan suramai alyp ketken. Qarda júretin kólik aýylsharýashylyq tehnikasy sanalady, ony 16 jastan bastap júrgizýge bolady, biraq ony qaǵyp ketken mektep oqýshysynyń tájiribesi bolmaǵandyqtan, kólikti tizgindei almaǵan", - deidi oblystyq PD baspasóz qyzmetiniń jetekshisi Erbolat Sarqulov.
Eske salaiyq, 28 qańtarda saǵat 15:30-da Aqtóbedegi demalys bazasynda tótenshe jaǵdai bolǵan. Kámeletke tolmaǵan bala qarda júretin kólikpen bir top adamǵa soqtyǵysqan. Oqiǵa saldarynan 40 jastaǵy áiel qaza boldy, 49 jastaǵy er adam men bes kámeletke tolmaǵan bala, onyń ishinde bir jarym jasar bala aýrýhanaǵa jatqyzyldy.
