Vedomstvoaralyq komissiia 52 adam qaza tapqan avtobýstaǵy órttiń sebebin anyqtaidy, dep habarlady QR IIM memlekettik til jáne aqparat depatamentiniń direktory Almas Sadýbaev.
"Aqtóbe oblysyndaǵy órttiń sebebin anyqtap, qaza tapqandardyń otbasylary men zardap shekkenderge jan-jaqty kómek kórsetý úshin arnaiy úkimettik vedomstvoaralyq komisiia quryldy", — dep habarlady Sadýbaev.
Komissiia quramyna ishki ister ministriniń orynbasary Erlan Turǵymbaev, densaýlyq saqtaý vitse-ministri Aleksei Tsoi, investitsiialar jáne damý vitse-ministri Roman Skliar, syrtqy ister ministrliginiń departament direktory Ardaq Mádiev, sondai-aq quqyq qorǵaý jáne basqa organdardyń ókilderi kirdi.
Esterińizge sala keteiik, búgin Aqtóbe oblysynda "Ikarýs" jolaýshylar avtobýsynda órt shyqqan. Avtobýstyń ishinde 57 adam bolǵan. Oqiǵa ornynda 52 adam qaza tapty, olardyń barlyǵy Ózbekstan azamattary. Bes adam aman qalyp otyr, qoldaryn ǵana kúiik shalǵan.
