Aqtóbedegi alpaýyt munai kompaniiasynyń 8 basshysy elden qýyldy, dep habarlaidy KTK telearnasy. Óitkeni qytailyq investorlar eńbek týraly zańdy elemei qoiǵan.
Aimaqta qara altyn óndirýmen ainalysatyn «SNPS-Aqtóbemunaigaz» aktsionerlik qoǵamy jyl basynda jalynyp júrip Qytaidan maman aldyrtýǵa ruqsat alypty. Aspan asty elinen kelgenderdiń úsheýin departamentke direktor, qalǵandaryn munai men gaz óndiretin bólimderge jetekshi qylady. Biraq shetelden qansha maman aldyrtsa, Qazaqstannyń da sonsha azamatyn jumysqa alý týraly zańǵa investorlar baǵynbai júrgen. Sondyqtan tekserýge kelgen prokýrorlar zańdy oryndamaǵan munai kompaniiasynyń laýazymdy qyzmetkerlerin elderine qaitaryp jibergen.
Muratbek Myrzamuratov, Aqtóbe oblystyq prokýratýrasynyń basqarma bastyǵy:
- Bul azamattar Qazaqstan Respýblikasynyń shekarasynan shyǵaryldy.
