Aqtóbede 25 jastaǵy júrgizýshi jol erejesin buzyp, aialdama pavilonyna baryp soqtyǵysty. Saldarynan ózi aýrýhanaǵa tústi, dep habarlaidy QazAqparat.
Aqtóbe oblystyq PD baspasóz qyzmetiniń habarlaýynsha, «BMW» avtokóliginiń 25 jastaǵy júrgizýshisi Aqtóbe qalasyndaǵy №7 klinika-diagnostikalyq ortalyq aldynda turǵan aialdama pavilonyna baryp soqtyǵysty.
«Júrgizýshi Aqtóbe áýejaiynan shyǵyp, jolda №7 KDO mańynda jol-qozǵalysy erejesin buzǵan. Ol jol belgisin syndyryp, avtobýs aialdamasyn qiratyp ketken. Saldarynan ózi Jedel járdem aýrýhanasyna jatqyzyldy. Qazirgi kezde qan synamasy alynyp, tekserýge jiberildi. Oqiǵanyń mán-jaiy anyqtalyp jatyr. Abyroi bolǵanda jol apaty kezinde aialdamada eshkim bolmaǵan», - dedi oblystyq PD baspasóz qyzmetiniń jetekshisi Erbolat Sarqulov.
