اقتٶبەدە 25 جاستاعى جٷرگٸزۋشٸ جول ەرەجەسٸن بۇزىپ, ايالداما پاۆيلونىنا بارىپ سوقتىعىستى. سالدارىنان ٶزٸ اۋرۋحاناعا تٷستٸ, دەپ حابارلايدى قازاقپارات.
اقتٶبە وبلىستىق پد باسپاسٶز قىزمەتٸنٸڭ حابارلاۋىنشا, «BMW» اۆتوكٶلٸگٸنٸڭ 25 جاستاعى جٷرگٸزۋشٸسٸ اقتٶبە قالاسىنداعى №7 كلينيكا-دياگنوستيكالىق ورتالىق الدىندا تۇرعان ايالداما پاۆيلونىنا بارىپ سوقتىعىستى.
«جٷرگٸزۋشٸ اقتٶبە ەۋەجايىنان شىعىپ, جولدا №7 كدو ماڭىندا جول-قوزعالىسى ەرەجەسٸن بۇزعان. ول جول بەلگٸسٸن سىندىرىپ, اۆتوبۋس ايالداماسىن قيراتىپ كەتكەن. سالدارىنان ٶزٸ جەدەل جەردەم اۋرۋحاناسىنا جاتقىزىلدى. قازٸرگٸ كەزدە قان سىناماسى الىنىپ, تەكسەرۋگە جٸبەرٸلدٸ. وقيعانىڭ مەن-جايى انىقتالىپ جاتىر. ابىروي بولعاندا جول اپاتى كەزٸندە ايالدامادا ەشكٸم بولماعان», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
