Aqtóbe turǵyny ózin júktimin dep aityp, jumys berýshiden jeńil qyzmetke aýystyrýdy suraǵan. Keiin dekrettik demalysqa shyqqan. Munyń bári jalǵan bolyp shyqty, dep habarlaidy QazAqparat.
Aqtóbe qalasy Almaty aýdandyq politsiia qyzmeti júktimin dep dekrettik demalysqa shyqqan kúdiktiniń isin qarap jatyr. Politsiiaǵa aryzdy munai kompaniiasy túsirgen.
«Jumysshysy óziniń júkti ekenin aityp, jeńil qyzmetke aýystyrýdy suraǵan. Keiin dekrettik demalysqa shyqqan. Protsessýaldyq sheshimniń zańdylyǵyn tekserý kezinde kelinshektiń dárigerlerdi aldap, jumysqa jaramsyz ekenin dáleldeitin anyqtama alǵany, tipti bir rettik áleýmettik tólemge jáne bosanǵannan keiingi tólemge qol jetkizgeni anyqtaldy. Bul shamamen 900 myń teńge bolady. Osyǵan bailanysty prokýratýra Qylmystyq kodekstiń «Alaiaqtyq» baby boiynsha sotqa deiingi tergeýdi bastady. Qylmystyq isti tergeý kezinde tiisti tekserýler júrgizbei jumysqa jaramsyzdyǵy týraly anyqtama bergen dárigerlerdiń áreketi de tekseriledi», - dep jazdy Aqtóbe qalasy Almaty aýdanynyń prokýrory Jasulan Dáýlembaev.
