Foto: Polisia.kz
Aqtóbede jol apatynan sheteldik qaza tapty, dep habarlaidy "Ult aqparat" IIM baspasóz qyzmetine silteme jasap.
Vedomstvo málimetinshe, 26 tamyz saǵat 14:00-de MAN-TGX júk kóligin júrgizip kele jatqan 24 jastaǵy Ózbekstan Respýblikasynyń azamaty Samara-Shymkent avtojolynyń Qyzylorda oblysynyń shekarasyna jaqyn jerinde, joldyń qarsy qozǵalysqa arnalǵan jaǵyna shyǵyp, Resei Federatsiiasynyń 51 jastaǵy azamatynyń basqarýyndaǵy Lada Largus avtokóligimen soqtyǵysqan.
"Saldarynan Lada júrgizýshisi alǵan jaraqattarynan oqiǵa ornynda qaitys boldy, onyń kámeletke tolmaǵan jolaýshysy túrli jaraqattarmen Yrǵyz aýdanynyń ortalyq aýrýhanasyna jatqyzyldy.
Osy fakti boiynsha QR QK 345-baby 3-bóligi boiynsha qylmystyq is qozǵaldy" - delingen habarlamada.
Aldyn ala boljam boiynsha, MAN-TGX júrgizýshisi kólik quralyn sharshańqy kúide basqarǵan.
