فوتو: Polisia.kz
اقتٶبەدە جول اپاتىنان شەتەلدٸك قازا تاپتى, دەپ حابارلايدى "ۇلت اقپارات" ٸٸم باسپاسٶز قىزمەتٸنە سٸلتەمە جاساپ.
ۆەدومستۆو مەلٸمەتٸنشە, 26 تامىز ساعات 14:00-دە MAN-TGX جٷك كٶلٸگٸن جٷرگٸزٸپ كەلە جاتقان 24 جاستاعى ٶزبەكستان رەسپۋبليكاسىنىڭ ازاماتى سامارا-شىمكەنت اۆتوجولىنىڭ قىزىلوردا وبلىسىنىڭ شەكاراسىنا جاقىن جەرٸندە, جولدىڭ قارسى قوزعالىسقا ارنالعان جاعىنا شىعىپ, رەسەي فەدەراتسيياسىنىڭ 51 جاستاعى ازاماتىنىڭ باسقارۋىنداعى Lada Largus اۆتوكٶلٸگٸمەن سوقتىعىسقان.
"سالدارىنان Lada جٷرگٸزۋشٸسٸ العان جاراقاتتارىنان وقيعا ورنىندا قايتىس بولدى, ونىڭ كەمەلەتكە تولماعان جولاۋشىسى تٷرلٸ جاراقاتتارمەن ىرعىز اۋدانىنىڭ ورتالىق اۋرۋحاناسىنا جاتقىزىلدى.
وسى فاكتٸ بويىنشا قر قك 345-بابى 3-بٶلٸگٸ بويىنشا قىلمىستىق ٸس قوزعالدى" - دەلٸنگەن حابارلامادا.
الدىن الا بولجام بويىنشا, MAN-TGX جٷرگٸزۋشٸسٸ كٶلٸك قۇرالىن شارشاڭقى كٷيدە باسقارعان.
