Aqtóbede eki kólik soqtyǵysyp, bireýi ekige bólinip qaldy. Júrgizýshi men jolaýshy aýrýhanada, dep habarlaidy QazAqparat.
Samara-Shymkent tasjolynyń 705 shaqyrymynda eki kólik soqtyǵysty. «Vaz 2114» markaly avtokóliginiń júrgizýshisi jol jáne meteorologiialyq jaǵdailardy eskermei, qarsy jolaqtaǵy «Opel Vektra» avtokóligimen soqtyǵysqan.
«Jol apaty saldarynan VAZ avtokóligi qaq aiyrylǵan. Kólik ishinde tek júrgizýshi boldy. Ol din aman, esh jaraqat almady. Al «Opel Vektra» avtokóliginiń júrgizýshisi men jolaýshysy túrli jaraqatpen Aqtóbe qalasynyń jedel meditsinalyq járdem aýrýhanasyna jatqyzyldy.
Al Aqtóbe oblysynyń Politsiia departamenti qala men aýdandardan tys jerlerge shyǵý kezinde jol qozǵalysy erejeleri men meteorologiialyq jaǵdailardy eskerý qajettigi týraly aitady», - oblystyq PD baspasóz qyzmetiniń jetekshisi Erbolat Sarqulov.
