Foto: Kazinform/Altynai Saǵyndyqova
Qylmystyq kodekstiń «Alaiaqtyq» baby boiynsha aiyptalǵan eks-depýtat 6 jylǵa bas bostandyǵynan aiyryldy. Ol joq malǵa sýbsidiia alǵan, dep habarlaidy «Ult aqparat» Kazinform-ǵa silteme jasap.
№2 Aqtóbe qalalyq sotynda kásipker ári eks-depýtat isi qaraldy. Is materialyna súiensek, sottalýshy sharýa qojalyǵy atynan jem-shópke sýbsidiia alýǵa ótinish bergen. Al shyn máninde ol kórsetken mal múlde bolmaǵan.
Sondai-aq «Sybaǵa» memlekettik baǵdarlamasy boiynsha «Agrarlyq nesie korporatsiiasy» AQ arqyly 600 bas iri qara mal satyp alýǵa bergen nesie qarajatyn zańsyz alǵan. Búgin osy is boiynsha sot úkimi shyqty.
- Asylbek Nurgeldin Qylmystyq kodekstiń «Alaiaqtyq» baby boiynsha aiypty dep tanylyp, 6 jylǵa bas bostandyǵynan aiyrý jazasy taǵaiyndalsyn. Jazasyn óteý orny qaýipsizdigi ortasha túzetý mekemesi dep belgilensin. Aqtóbe oblystyq aýyl sharýashylyǵy basqarmasynyń aryzy qanaǵattandyrylyp, 67 248 900 teńge óndirilsin, - dedi sýdia Sandýǵash Izbagambetova.
Sonymen birge «Agrarlyq nesie korporatsiiasy» AQ-nyń aryzy Azamattyq sotta qaralady.
Aita keteiik, eks-depýtattyń qamaýda otyrǵanyna bir jylǵa jýyq ýaqyt boldy.
