فوتو: Kazinform/التىناي ساعىندىقوۆا
قىلمىستىق كودەكستٸڭ «الاياقتىق» بابى بويىنشا ايىپتالعان ەكس-دەپۋتات 6 جىلعا باس بوستاندىعىنان ايىرىلدى. ول جوق مالعا سۋبسيدييا العان, دەپ حابارلايدى «ۇلت اقپارات» Kazinform-عا سٸلتەمە جاساپ.
№2 اقتٶبە قالالىق سوتىندا كەسٸپكەر ەرٸ ەكس-دەپۋتات ٸسٸ قارالدى. ٸس ماتەريالىنا سٷيەنسەك, سوتتالۋشى شارۋا قوجالىعى اتىنان جەم-شٶپكە سۋبسيدييا الۋعا ٶتٸنٸش بەرگەن. ال شىن مەنٸندە ول كٶرسەتكەن مال مٷلدە بولماعان.
سونداي-اق «سىباعا» مەملەكەتتٸك باعدارلاماسى بويىنشا «اگرارلىق نەسيە كورپوراتسيياسى» اق ارقىلى 600 باس ٸرٸ قارا مال ساتىپ الۋعا بەرگەن نەسيە قاراجاتىن زاڭسىز العان. بٷگٸن وسى ٸس بويىنشا سوت ٷكٸمٸ شىقتى.
- اسىلبەك نۇرگەلدين قىلمىستىق كودەكستٸڭ «الاياقتىق» بابى بويىنشا ايىپتى دەپ تانىلىپ, 6 جىلعا باس بوستاندىعىنان ايىرۋ جازاسى تاعايىندالسىن. جازاسىن ٶتەۋ ورنى قاۋٸپسٸزدٸگٸ ورتاشا تٷزەتۋ مەكەمەسٸ دەپ بەلگٸلەنسٸن. اقتٶبە وبلىستىق اۋىل شارۋاشىلىعى باسقارماسىنىڭ ارىزى قاناعاتتاندىرىلىپ, 67 248 900 تەڭگە ٶندٸرٸلسٸن, - دەدٸ سۋديا ساندۋعاش يزباگامبەتوۆا.
سونىمەن بٸرگە «اگرارلىق نەسيە كورپوراتسيياسى» اق-نىڭ ارىزى ازاماتتىق سوتتا قارالادى.
ايتا كەتەيٸك, ەكس-دەپۋتاتتىڭ قاماۋدا وتىرعانىنا بٸر جىلعا جۋىق ۋاقىت بولدى.
