Aqtóbede mektep-internattyń úsh tárbielenýshisi tabyldy. Olardy aýyl turǵyny ózen jaǵasynan tapty, dep habarlaidy QazAqparat.
Yrǵyz aýdanyndaǵy mektep-gimnaziianyń internatynda jatatyn úsh bala joǵalyp ketip, aman-esen tabyldy. Olardy izdeýge aýdannan ondaǵan adam jumyldyryldy.
«Izdeýge shyqqan kezde ózen jaǵasyna bardym. Sol jerde aiqailap uzaq júrdim. Árqaisysynyń atyn atap shaqyrdym. Bir kezde álsiz dybys shyqty. Olar qaiyqqa otyryp, ózenniń arǵy betine ótip ketken. Attaryn atap, báriniń tiri ekenine kóz jetkizdim de jaýaptylarǵa qońyraý shaldym. Sebebi tún salqyn, ózendi júzip ótý múmkin emes edi. Olar tońyp qalǵan», - dedi aýyl turǵyny Batyrhan Sermaǵanbet.
Aita keteiik, balalardyń tabylǵanyn oblystyq TJD baspasóz qyzmeti de rastady.
