Aqtóbede jeńil kólik pen ekskavator soqtyǵysyp, eki adam aýrýhananyń jansaqtaý bólimine tústi, dep habarlaidy QazAqparat.
Oqiǵa Aqtóbe-Orsk tasjolynyń Aqtóbe qalasy Ýkrainka aýyly mańynda boldy.
«Lada-219410» avtokóliginiń 26 jastaǵy júrgizýshisi Aqtóbe qalasynan Ýkrainka aýylyna qarai baǵyt alyp, jol erejesin buzdy. Sol kezde ekskavatormen soqtyǵysty.
«Jol-kólik oqiǵasy kezinde «Lada-219410» avtokóliginiń eki jolaýshysy jedel járdem aýrýhanasynyń jansaqtaý bólimine tústi. Qazirgi kezde Qylmystyq kodekstiń 345-baby 2-bóligimen is qozǵalyp, birneshe saraptama taǵaiyndaldy»,- dedi oblystyq PD baspasóz qyzmetiniń jetekshisi Erbolat Sarqulov.
