Aqtóbe qalasy mańyndaǵy Prigorodnyi aýylynyń 83 jastaǵy turǵynyn óltirip ketti. Kúdikti ustaldy, dep habarlaidy "Ult aqparat".
Aýyl turǵyndary Jedel basqarý ortalyǵyna qońyraý shalyp, túnde 83 jastaǵy kórshisiniń qaitys bolǵanyn habarlady. Oqiǵa ornyna barǵan jedel-tergeý toby zeinetkerdiń qylǵynyp (mehanikalyq asfiksiia) ólgenin, zorlyq belgilerin anyqtady.
Politsiia qyzmetkerleri jedel-izdestirý is-sharalary barysynda 57 jasar aqtóbelik kúdiktini anyqtady. Er adam Aqtóbe qalasynyń ýaqytsha ustaý izoliatoryna qamaldy. Kisi óltirý faktisi boiynsha sotqa deiingi tergeý bastaldy.
«Ol jalǵyzbasty zeinetkerdiń úiine kirip, ony tonamaq bolǵan. Zeinetker dybystan oianyp ketken, kúdikti ony uryp-soǵyp, qylǵyndyrǵan. Alaida zeinetkerdiń úiinen ol bar bolǵany 1-2 myń teńge kóleminde aqshadan basqa qundy eshteńe tappaǵan», - dedi oblystyq PD baspasóz qyzmetiniń jetekshisi.
