اقتٶبە قالاسى ماڭىنداعى پريگورودنىي اۋىلىنىڭ 83 جاستاعى تۇرعىنىن ٶلتٸرٸپ كەتتٸ. كٷدٸكتٸ ۇستالدى, دەپ حابارلايدى "ۇلت اقپارات".
اۋىل تۇرعىندارى جەدەل باسقارۋ ورتالىعىنا قوڭىراۋ شالىپ, تٷندە 83 جاستاعى كٶرشٸسٸنٸڭ قايتىس بولعانىن حابارلادى. وقيعا ورنىنا بارعان جەدەل-تەرگەۋ توبى زەينەتكەردٸڭ قىلعىنىپ (مەحانيكالىق اسفيكسييا) ٶلگەنٸن, زورلىق بەلگٸلەرٸن انىقتادى.
پوليتسييا قىزمەتكەرلەرٸ جەدەل-ٸزدەستٸرۋ ٸس-شارالارى بارىسىندا 57 جاسار اقتٶبەلٸك كٷدٸكتٸنٸ انىقتادى. ەر ادام اقتٶبە قالاسىنىڭ ۋاقىتشا ۇستاۋ يزولياتورىنا قامالدى. كٸسٸ ٶلتٸرۋ فاكتٸسٸ بويىنشا سوتقا دەيٸنگٸ تەرگەۋ باستالدى.
«ول جالعىزباستى زەينەتكەردٸڭ ٷيٸنە كٸرٸپ, ونى توناماق بولعان. زەينەتكەر دىبىستان ويانىپ كەتكەن, كٷدٸكتٸ ونى ۇرىپ-سوعىپ, قىلعىندىرعان. الايدا زەينەتكەردٸڭ ٷيٸنەن ول بار بولعانى 1-2 مىڭ تەڭگە كٶلەمٸندە اقشادان باسقا قۇندى ەشتەڭە تاپپاعان», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ.
