Aqtóbede zeinetker alfons jigitke aldanyp qaldy, - dep habarlaidy Polisia.kz.
22 qyrkúiekte Aqtóbe qalasynyń Politsiia basqarmasyna 65 jastaǵy áielden aryz túsken. Ol áleýmettik jelide tanysqan alaiaqtyń qurbany bolǵanyn málimdegen.
Er adam ózin AQSh azamaty retinde tanystyryp, jábirlenishýge syilyq pen aqsha jiberemin dep mekenjaiy men tolyq aty-jónin suraǵan. Al sálemdemeni jiberý úshin kedendik BAJ salyǵyn tóleý kerektigin aityp, esep aiyrysý shotyna aqsha aýdarýdy suraǵan. Sonymen qatar, “kúieý jigit” zeinetke shyqqannan keiin Qazaqstanǵa kóshýge nietti ekenine sendirgen. Jábirleýshi áiel páterin satyp, shottaǵy 36 mln teńgeden astam qarajatty alaiaqqa aýdaryp jibergen.
Osy derek boiynsha aldyn ala tergeý bastaldy.
